Ресей әскери басшылығы сарбаздарды сауыт саймансыз майданға жіберіп жатыр The Telegraph

Украинадағы Лиман бағытында ресейлік әскерилер жиі қорғаныс құралдарынсыз – каска мен бронежилетсіз – ұрысқа жіберілуде. The Telegraph дерегінше, бұл құбылыс соңғы айларда күшейіп, ресейлік командирлердің жеке құрам өміріне немқұрайлы қарайтынын көрсетеді.

Украин әскерилері бұны жоғары шығындармен және жарақтандыру тапшылығымен байланыстырады. Сарапшылардың айтуынша, Ресей көптеген сарбаздарды «бір реттік» күш ретінде қолданып, оларды сапасыз дайындықпен және жеткіліксіз құрал-жабдықпен алға жібереді.

Командирлердің кей жағдайларда сарбаздарды жазалау мақсатында да қорғаныссыз ұрысқа жіберетіні айтылады. Кей бөлімшелердің міндеті – алдыңғы шепте қаза болған ресейлік әскери қызметкерлерден қалған қару-жарақты жинау.