Украина Қырымды құрлықтан, теңізден және әуеден оқшаулап жатыр The Telegraph

Украина Қырымды оқшаулау операциясын күшейтіп жатыр. The Telegraph басылымының мәліметінше, украиналық күштер дрондар арқылы Қырымға апаратын логистикалық бағыттарға, көпірлерге, мұнай қоймаларына, энергетикалық нысандар мен әскери инфрақұрылымға соққы жасауды жалғастыруда. Киевтің мақсаты – түбекті Ресей армиясының оңтүстіктегі негізгі әскери базасы ретінде пайдалануды қиындату.

Украина тарапы бұл шабуылдардың нәтижесінде Қырымда жанармай тапшылығы, электр қуатының үзілуі және көлік қатынасының қиындауы байқалып отырғанын мәлімдейді. Сондай-ақ туристік броньдардың көп бөлігі тоқтатылып, кейбір кәсіпорындардың жұмысы баяулағаны айтылған.

Сарапшылардың пікірінше, Украина бұл науқанда жаңа буындағы автономды басқару жүйесі мен спутниктік байланысты қолданатын соққы беруші дрондарға сүйеніп отыр. Ресей тарапы бұл мәлімдемелерге қатысты өз бағасын жарияламаған.