Ресей ЖИ мен цифрландыруды дамытуға қажетті барлық ресурсқа ие Путин

АСТАНА, 28 мамыр – Sputnik. Ресей жасанды интеллект (ЖИ) пен цифрландыруды дамытуға арналған міндеттерді шешу үшін қажетті кадрлар мен ресурсқа ие. Бұл туралы Ресей президенті Владимир Путин Астанадағы Еуразия экономикалық форумы барысында мәлімдеді.

Ол Ресей ЖИ саласында егемен платформалар жасап жатқан санаулы елдердің бірі екенін ерекше атап өтті.

"Ресейдің академиялық ғылымы мұндай міндеттерді шешуге дайын, сондай-ақ жасанды интеллектіні дамыту үлкен көлемдегі энергия мен қаржыландыруды талап етеді – елде атом энергетикасы технологиялары дамыған және Ресей осы салаға қаржылық ресурстарды шоғырландыра алады", - деді Владимир Путин.

"Достарымызбен, серіктестерімізбен бірлесіп жұмыс істеудің маңызы зор. Күш біріктіру орасан зор нәтиже беріп, ортақ тиімділікке әкелуі мүмкін", - деп түйіндеді ол.

2026 жылғы Еуразиялық экономикалық форумның басты тақырыбы — жасанды интеллект.