Республикалық бюджеттің қамтамасыз етілуі 83,5% ға дейін өседі

Мәжілістің жалпы отырысында Премьер-министрдің орынбасары – ұлттық экономика министрі Серік Жұманғарин мемлекеттік қаржы параметрлерінің ағымдағы жағдайы мен алдағы жылдарға арналған болжамдарды таныстырды, деп хабарлайды Egemen.kz.

Фото: Ашық дереккөз

Министрдің айтуынша, Қазақстанның салық-бюджет саясаты мемлекеттік қаржының орнықтылығы мен теңгерімділігін қамтамасыз етуге, бюджет тапшылығын азайтуға, сондай-ақ Ұлттық қор қаражатын өз қаражатымен алмастыруға бағытталған.

Сонымен қатар бюджет жобасы Мемлекеттік қаржыны басқарудың 2030 жылға дейінгі тұжырымдамасына және бюджет қағидаттарына сай әзірленгенін атап өтті.

«Кірістер 2026 жылы 19,2 трлн теңге көлемінде немесе жалпы ішкі өнімге қатысты 10,5% деңгейінде болжануда. Осы жылдың бағалауымен салыстырғанда өсім 4,7 трлн теңгені құрап, 2028 жылға қарай 23,2 трлн теңгеге дейін немесе 20,8%-ға өседі деп күтілуде. Жалпы, республикалық бюджеттің меншікті кірістермен қамтамасыз етілуі 2025 жылғы 63,7%-дан 2028 жылы 83,5%-ға дейін өседі», деді Серік Жұманғарин.