Сәкен Бибосынов екінші қарсыласын уақытынан бұрын жеңіп шықты

Олимпиаданың қола жүлдегері Сәкен Бибосынов 2025 жылғы бокстан Қазақстан чемпионатындағы екінші жекпе-жегін өткізді, деп хабарлайды Vesti.kz.

Түркістан облысының намысын қорғайтын Бибосынов 55 келіге дейінгі салмақ дәрежесінде Қарағанды облысының өкілі Алмаз Нұрланмен кездесіп, екінші раундта мерзімінен бұрын жеңіске жетті. Сәкен қарсыласын нокдаунға жіберген соң, Нұрланның бұрышы боксшыны жекпе-жектен шегіндіру туралы шешім қабылдады. Осылайша, Бибосынов жарыстың ширек финалына жолдама алды.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Еске салайық, Сәкен Бибосынов — 2021 жылғы әлем чемпионы, 2020 жылғы Олимпиада ойындарының қола жүлдегері және Азия чемпионаттарының жүлдегері (2021 жылы — қола, 2022 жылы — күміс).

Айта кетейік, биылғы бокстан Қазақстан чемпионаты алғаш рет World Boxing ұйымының ережелері мен салмақ дәрежелері бойынша өтуде. Жарыс 21 қазанға дейін жалғасады.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport