Сәкен Бибосынов Қазақстан құрамасынан бас тартты

Қазақстан құрамасының көшбасшы боксшыларының бірі Сәкен Бибосынов алдағы ел чемпионатына қатыспайды, деп хабарлайды Vesti.kz.

Бұл шешімнің себебі – 25 қазанда Қырғызстан астанасы Бішкекте Бибосыновтың кәсіпқой бокстағы екінші жекпе-жегі өтеді. Қарсыласы туралы мәліметті мына жерден көруге болады.

Осы бокс кешінде Бибосыновтың басты қарсыласы саналатын өзбек боксшысы Хасанбой Дусматов (6-0, 5 КО) та жұдырықтасады. Оның қарсыласы – жеңілмеген филиппиндік боксшы Ричард Ласпона (8-0, 5 КО) болмақ.

Қазақстан чемпионаты 14-21 қазан аралығында Семей қаласында өтеді. Бұл турнирге ұлттық құраманың негізгі құрамына үміткер боксшылар қатысады. Алайда жақында Англияның Ливерпуль қаласында өткен World Boxing чемпионатының жеңімпаздары бұл жарыстан босатылған. Айта кетейік, Бибосынов бұл турнирге де қатыспаған болатын.

Қазақстан чемпионатының нәтижесі бойынша 2026 жылға арналған ұлттық құраманың жаңа құрамы анықталады.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Еске салсақ, Сәкен Бибосынов шілде айында кәсіпқой бокста дебют жасап, Қырғызстан астанасында филиппиндік Кристиан Леганені (6-2-3, 4 КО) бірінші раундта ауыр нокаутпен жеңген болатын.

Кәсіпқой боксқа ауысқанға дейін Бибосынов әуесқой бокста үлкен жетістіктерге жеткен:

2020 жылғы Токио Олимпиадасының қола жүлдегері,
2021 жылғы әлем чемпионы,
Азия чемпионаттарының жүлдегері (2021 жылы қола, 2022 жылы күміс).

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport