Сауд Арабиясында жүрген Головкин Роналдумен жүздесті

Геннадий Головкин Instagram-дағы сторисінде Криштиану Роналдумен жолай кездесіп, сөйлескен сәтінің видеосын жариялады.

Қысқа роликте GGG португалиялық футболшыны Сауд Арабиясы чемпионатындағы кезекті ойында жасаған дублімен құттықтайды, ал Роналду өз кезегінде Головкинмен жүздескеніне қуанышты екенін айтып, жылы лебізін білдіреді. Геннадий Головкин Эр-Риядқа ірі бокс кешін тамашалау үшін келгенін де айта кетті.

Сөз кезегінде Криштиану GGG-ден:

"Әлі бокстасасыз ба?", - деп сұрайды.

Бұл сұраққа Геннадий:

"Мүмкін Жаңа жылда тағы бір рет өзімді сынап көремін" деп жауап береді.

Аты аңызға айналған екі спортшының таныстығы тек осы кездесумен шектелмейтіні белгілі. 2020 жылы олар бірлескен жаттығулар өткізген. Қазіргі уақытта жерлесіміздің жасы 43-те, оның жекпе-жектен жырақтағанына үш жылдан аса уақыт өтті.

Посмотреть эту публикацию в Instagram

Публикация от SPORTS.KZ (@kzsports)