Семей мен Өскемен ЖЭО ларын кім салады

— Көкшетау жылу электр орталығының құрылысы бойынша келісімшартқа қол қойылды. Бұл ақпарат болған. Қытайлық жабдық болады. Құрылысты Қазақстан-Қытай консорциумы жүзеге асырады. Семей ЖЭО мен Өскемен ЖЭО-сына келер болсақ, «Қазақстан дербес салады» деп айтқан кезімізде сөз «Самұрық-Энергоның» құрылысқа тапсырыс беруші болатындығы жайында болып тұр. Қазақстан тарабы қаржыландыратындығы жайында. Әлеуетті мердігерлерге келер болсақ, бұл ретте жеке жұмыс істелініп жатыр. Бұл жобаға қатысуға «Интер РАО», сондай-ақ қытайлық компанияларды қоса алғанда өзге де халықаралық мердігерлер ниет білдіре алады, — деді Қайрат Мақсұтов.

Айта кетейік, өткен жылдың 10 қыркүйегінде Көкшетау жылу электр орталығының құрылысы басталды.