ШҚО да су қоймалары жөндеуден өтеді

Шығыс Қазақстанда апатты жағдайда тұрған су қоймалары келер жылы жөндеуден өтеді. Солардың бірі - Зайсандағы Үйдене су қоймасы. Алпыс жыл бұрын салынған гидроқұрылғы бүгінде 10 мың гектардан астам алқапты суарады. «Сондай ақ Тарбағатайдағы Қандысу қоймасы да қалыпқа келтіріледі», - дейді сала мамандары. Ал әзірге қауіпті тоғандарға су жинау мөлшері азайтылып, үздіксіз бақылауға алынған.

 Дәулет Жанысов, "Қазсушар" РМК облыстық филиалы директорының міндетін атқарушы. 

- Мөлшерінше су толтырып, халыққа қызмет жасап жатырмыз. Қазіргі уақытта барлық су қоймалары тәулік бойы бақылауда, күзгі, қысқы кезеңге жұмыстар жүргізілуде.