Шымкентте оқушыға сексуалдық әрекет жасады деп күдікке ілінген мұғалім ұсталды

АСТАНА, 26 ақпан – Sputnik. Шымкентте оқушыға сексуалдық әрекет жасады деп күдікке ілінген мұғалім полиция бөліміне жеткізілді, деп хабарлайды қалалық полиция департаменті.

Шымкент тұрғынының жас қызын қорлау туралы өтініші бойынша қылмыстық іс қозғалды.

"Құқық бұзушылық жасады деген күдікпен Шымкент қаласының тұрғыны ұсталып, полиция бөлімшесіне жеткізілді. Қазіргі уақытта жедел-тергеу тобы болған оқиғаның барлық мән-жайын анықтап жатыр", - дейді полицияда.

Бейнебақылау камераларындағы жазбалар алынып, ықтимал куәгерлерден және өзге де адамдардан жауап алынып басталған.

"Тергеу барысы департамент басшылығының ерекше бақылауында. Барлық тергеу әрекеті заң талаптарына қатаң сәйкес жүзеге асырылады", - дейді Шымкент полициясында.

Еске сала кетейік, Шымкентте мұғалім 7 жастағы оқушыға сексуалды әрекет жасады деген күдікке ілінді. Оқиға мектепте болған. Мұғалім ағайының бейәдеп әрекеті туралы оқушы мамасына айтып келген.