Шымкентте саябақ аумағы тазартылды

Белсенді жастардың бастамасымен ағаштар бұталып, қураған жапырақтар жиналды. 

Жаяу жүргіншілер жолы сыпырылып, ирригациялық жүйелер қоқыстан тазартылды. Экологиялық акцияға 50-ден астам ерікті қатысып, коммуналдық сала қызметкерлеріне қолғабыс етті. Жастар көпшілікті табиғатты қорғауға, қоршаған ортаға деген жауапкершілікті арттыруға үндеді. «Таза шым» деп аталатын экологиялық қозғалыс алдағы уақытта да тұрақты түрде ұйымдастырылмақ.

Жансерік Жұман, қалалық Жастар ресурстық орталығының басшысы:

- Жапырақ жинау бір қарағанда абсурд болып көрінуі мүмкін. Дегенменде оның астында қоқыстардың бар екенін көріп жатырмыз. Негізгі ойымыз халық жүретін жердің әдемі көрініс тапқаны, оның қала әсемдігіне әсер етуі.