Silk Way Star халықаралық вокалдық жобасынан кімдер кетті

Кезекті кезеңнен кейін жобада тоғыз орындаушы ғана қалды.

Шоу сахнасы дәстүрлі түрде эмоцияға, драйвқа және артистизмге толы болды. Эпизодты Малайзия өкілі Язмин Азиз ашты, ол Леди Гаганың Abracadabra әнін орындап, көрермендерді тәнті етті. Әншінің жарқын өнері кештің жалпы көңіл күйін айқындады. 

Қырғызстаннан келген Tamga Only Girl атты аңызға айналған композицияны орындап, жанды дыбыс пен қуатты энергияға баса назар аударды. Қазылар алқасы ән соңғы музыкалық жаңалықтар қатарына жатпайтынын атап өтсе де, орындауға рұқсат берді.

Оңтүстік Кореялық Kandis тобы анимациялық сериалдан шыққан Golden әнін әсерлі орындады. 2025 жылдың музыкалық құбылыстарының бірі болған туынды сахнада ерекше, тіпті сиқырлы атмосфера тудырды. 

Грузиядан келген Автандил Абесламидзе өткен жылы музыкалық чарттарда ұзақ уақыт бойы көш бастаған APT хитінің өзіндік нұсқасын ұсынды. Би ырғағы мен есте қаларлық қайырмасы әр жастағы көрермендердің көңілінен шықты.

Қазақстан атынан Alem өнер көрсетті, жерлесіміз ирландиялық әнші Hozier-дің Too Sweet атты әсерлі трегін орындады. Ән әлемдік хитке айналған, ал Alem әнді жары Вероникаға арнады.

Сахнада олардың отбасылық естеліктері бейнеленіп, нөмір кештің ең жүрек тебірентер сәттерінің біріне айналды. 

Тәжікстан өкілі Фахриддин Хакимов Beggin әнін орындады, бұл хитті әлемге қайта танытқан Maneskin тобы еді. Зал орындаушыны ұзақ шапалақпен қолдады.

Қытайлық қатысушы Чжан Хэ Сюань елінде хитке айналған Danshen jiu yao paidui атты авторлық әнін орындады. Осылайша, өзін әрі орындаушы, әрі автор ретінде танытты. 

Армениядан келген Саро Геворгян америкалық Teddy Swims-тің Lose Control әнін орындап, сахнаны қуатты энергия мен сезімге толтырды.

Өзбекстан өкілі Мадинаболу Адилова Spotify тарихында ұзақ уақыт бойы бірінші орында тұрған Die With A Smile трегін орындады. Ән әлемнің 30-дан астам елінің чарттарында көш бастаған.

Моңғолиядан келген Мишель Джозеф нәзіктік пен ішкі күштің үйлесімін көрсеткен Born Again әнін шырқап, кеш көрермендеріне эмоциялық сәт сыйлады. 

Алтыншы кезеңнің қорытындысы бойынша көшбасшылар - Қазақстан мен Өзбекстан өкілдері, олар тең ұпай жинады. Барлық алты апта нәтижесі бойынша жалпы көшбасшылықты қазақстандық әнші Alem сақтап қалды.

Өкінішке қарай, жобадан Оңтүстік Кореяның Kandis тобының қатысушылары шығып қалды. Олар Silk Way Star шоуының алты эпизодының қорытындысы бойынша 606 ұпай жинаған.

Бұған дейін қазақстандық қазылар алқасының мүшесі Жанар Дұғалова құқығын пайдаланып, топқа жобада қалуға мүмкіндік берген болатын. Алайда, бұл жолы топтың жобадағы жолы аяқталды.

Kandis тобы шоу ұжымына және қазақстандық көрермендерге жылы қабылдау мен K-pop мәдениетіне деген қызығушылықтары үшін алғыс айтты.

Бұған дейін жобадан Сабина Заде (Әзербайжан) және Довран Шаммыев (Түрікменстан) кеткен болатын.

Silk Way Star халықаралық вокалдық жобасының алтыншы эпизодының толық нұсқасын мына жерден көруге болады. 

Шоу әр сенбі сайын «Jibek Joly» арнасында сағат 20:00-де, ал Silk Way арнасында 22:30-да эфирге шығады.

Silk Way Star - Азиядағы алғашқы вокалдық байқау. Елорда төрінде бір сахнада 12 елдің талантты орындаушылары бас қосты. Оның қатарында Әзербайжан, Армения, Грузия,

Қазақстан, Қытай, Қырғызстан, Малайзия, Моңғолия, Тәжікстан, Түрікменстан, Өзбекстан және Оңтүстік Корея елдері бар. 

Айта кетейік, Астанадан Куала-Лумпурге дейін - Silk Way Star жобасын миллиардтаған көрермен тамашалайды.