Солтүстік пен Шығыс облыстарда қар жауады, қалған өңірлерде күн ашық: 15 наурызға арналған ауа райы болжамы

Синоптиктер жексенбі, 15 наурызға арналған ауа райы болжамын жариялады, – деп хабарлайды Aikyn.kz сайты.

Еліміздің солтүстігі мен шығысында қысқы метеорологиялық құбылыстар сақталады, ал қалған өңірлерде күн ашық болады.

Жексенбі күні Солтүстік және Шығыс Қазақстанда ауа райы құбылмалы болады. Түнде қар жауады, күндіз жауын-шашын жалғасып, кей жерлерде қар жаңбырға ұласуы мүмкін. Сонымен қатар  бұл аймақтарда жаяу боран соғып, көріну деңгейі төмендейді.

Еліміздің қалған бөлігінде ауа райы жауын-шашынсыз, тымық болады. Бірақ республика бойынша таңертең және түнде тұман түсіп, көрінуді қиындатуы мүмкін, ал желдің күшеюі байқалады.

Синоптиктер жол қозғалысына сақ болуды ескертеді: әсіресе, Солтүстік пен Шығыс Қазақстандағы тасжолдарда жылдамдықты шектеп, қауіпсіз қашықтықты сақтау қажет.