Талғат Ерсейітов Степногорск қаласының әкімі болды

Степногорск әкімі болып Талғат Ерсейітов тағайындалды, деп хабарлайды Tengrinews.kz Ақмола облысы әкімдігінің баспасөз қызметіне сілтеме жасап.

Жаңа қызметке тағайындалғанға дейін Талғат Ерсейітов 2023 жылғы қарашадан бастап Ақмола облысы Астрахан ауданының әкімі қызметін атқарған.

"Ақмола облысының әкімі М.М. Ахметжановтың 2026 жылғы 21 қыркүйектегі өкімімен Талғат Аманбайұлы Ерсейітов Степногорск қаласының әкімі болып тағайындалды", - делінген өңір әкімдігінің ресми хабарламасында.

Ерсейітов жергілікті мемлекеттік басқару жүйесіндегі еңбек жолын Астрахан ауданында бастаған. 2009–2012 жылдары аудан әкімінің орынбасары, 2012–2017 жылдары Астрахан ауданының әкімі болып жұмыс істеді.

2017–2019 жылдары Есіл ауданының әкімі, 2019–2023 жылдары Бұланды ауданының әкімі лауазымдарын атқарды.

Ақмола облысында бірден екі әкім қызметінен айырылды

Еске сала кетейік, бұған дейін Ақмола облысының әкімі Марат Ахметжановтың өкімімен екі әкім қызметінен босатылғаны белгілі болған еді. Сөз Степногорск қаласы мен Аршалы ауданының әкімдері туралы болып отыр.

Бізді Google-дың негізгі дереккөздер тізіміне қосыңыз