Теміржол қаңқасын қалыптастыру жұмыстары жалғасады

Еліміздің толыққанды теміржол қаңқасын қалыптастыру жұмыстары жалғасып жатыр.  

Былтыр жалпы ұзындығы – 911 шақырым «Достық - Мойынты»  және «Алматы айналма жолы» сияқты ірі жобалар аяқталды.   Бұл желінің өткізу қабілетін 5 есеге арттыруға және транзиттік тасымалдарды жеделдетуге мүмкіндік берді. Ал биыл "Қызылжар - Мойынты"  және "Дарбаза - Мақтаарал" учаскелерінде стратегиялық құрылыс жобалары, сондай-ақ "Алтынкөл - Жетіген"  және "Бейнеу - Маңғыстау"  бағыттарын жаңғырту жұмыстары аяқталады. Сонымен қатар, Халықаралық көлік дәліздері де қарқынды дамып келеді. Олар Транскаспий халықаралық көлік бағыты мен Солтүстік – Оңтүстік бағыттары. Отандық сауда флоты 4 пароммен толықтырылады. Келесі жылы Солтүстік - Оңтүстік дәлізі бойынша елдің батыс өңіріндегі теміржол учаскелерін жаңғырту аяқталады.