Терең тыныс алмаңыздар : Қазақстанның екі қаласында ауа сапасы нашарлайды деп болжам бар

Синоптиктер Алматы мен Атырауда ауа сапасының нашарлауы мүмкін екенін ескертеді. Бейсенбі, 8 қазанда бұл қалаларда қолайсыз метеорологиялық жағдайлар (ҚМЖ) күтіледі.

«Қазгидромет» РМК мәліметінше, қалыптасқан синоптикалық жағдай — баяу жел, желсіз ауа райы және температуралық инверсияның ұштасуы — атмосфераның жерге жақын қабатында зиянды заттардың жиналуына ықпал етеді.

Смогтың түзілу қаупіне байланысты мамандар өңір тұрғындары үшін негізгі ұсыныстарды әзірледі:

Серуендеуді шектеу: далада, әсіресе автожолдар бойында және өнеркәсіптік аймақтардың жанында болу уақытын азайтыңыздар. Жүкті әйелдер мен балаларға ұзақ серуендеуден тартына тұрған жөн.Дәрі-дәрмектерді дайындау: тыныс алу жолдарының, жүрек-қан тамырлары жүйесінің созылмалы аурулары бар және аллергиямен ауыратын адамдар қажетті дәрілік препараттарды өзімен бірге ұстағаны жөн.Жаттығуларды ауыстыру: ашық ауадағы дене жүктемелері мен спортпен шұғылдануды жабық ғимараттарға ауыстырған дұрыс.

Бүгін, 10:13