Тіс емханасындағы бала өлімі: Астана соты кінәліге қатысты үкім шығарды

Астана қаласының қылмыстық істер жөніндегі ауданаралық сотында кәмелетке толмаған қыздың өліміне әкеп соққан кәсіби міндеттерді тиісінше орындамау дерегі бойынша айыпталған Ж.-ға қатысты қылмыстық іс қаралды, деп жазады Egemen.kz.

Фото: Жоғары сот

2021 жылы туған Е.-нің ата-анасы бала тісінің ауырсынуына байланысты жеке стоматологиялық клиникаға жүгінген.Тексеру барысында 11 тістің зақымданғаны анықталған. Жалпы наркозбен емдеуге дайындық кезінде ем алушыға тексерулер (жалпы қан талдауы, коагулограмма, жүректің УДЗ) тағайындалған.

Қабыну процестерінің және теріс зертханалық көрсеткіштердің болуына қарамастан, Ж. жалпы седация жағдайында ұзақ уақытқа созылған стоматологиялық ем жүргізген. Ем барысында севофлуран маскалық режимде 4,5 сағат бойы қолданылған.  Ал емдеуді стоматолог А. жүргізген.

«Анестезиологиялық қамтамасыз ету кезінде сәйкес келмейтін тыныс алу контуры қолданылып, өкпені жасанды желдету аппаратымен синхрондау болмаған. Бұл өкпенің минуттық вентиляциясының төмендеуіне, жедел гипоксияға, мидың ісінуіне соқтырып, салдарынан ем алушы көз жұмған. Сотталушының кінәсі жәбірленушілер мен куәлердің айғақтары, сот-медициналық сараптамалардың қорытындылары, сондай-ақ қылмыстық істің материалдарымен дәлелденді», делінген Астана қалалық соты таратқан хабарламада. 

Прокурор сотталушыны 4 жыл мерзімге бас бостандығынан айыру жазасын, сондай-ақ 3 жыл мерзімге медициналық қызмет көрсетуге байланысты лауазымдарды атқару құқығынан айыруды тағайындауды, алайда Амнистия актісін қолдану арқылы негізгі жазаны өтеуден босатуды сұрады. Ал айыпталушы кінәсін мойындамаған. 

Жаза тағайындау кезінде сот сотталушының 2 кәмелетке толмаған баласының барын, жұмыс орнынан берілген оң мінездемені, бұрын сотты болмағанын жеңілдететін мән-жайлар ретінде ескерді.

«Жасалған қылмыстың қоғамдық қауіптілік сипаты мен дәрежесін, жеңілдететін мән-жайлардың болуын және ауырлататын мән-жайлардың жоқтығын, сондай-ақ жәбірленушілердің пікірін ескере отырып, сот Ж.-ға 2 жыл мерзімге бас бостандығынан айыру жазасын, сондай-ақ 3 жыл мерзімге медициналық көмек көрсету немесе медициналық қызмет көрсетуге байланысты лауазымдарды атқару құқығынан айыру жазасын тағайындады», делінген Астана қалалық соты таратқан хабарламада. 

Десе де амнистия актісін қолдану негізінде Ж. тағайындалған негізгі жазаны өтеуден босатылды.

Іс бойынша жәбірленуші тарап азаматтық талап қоймаған.
Үкім заңды күшіне енген жоқ.

Соңғы жаңалықтар

Екі облыстағы жолдарда көлік қозғалысы шектелді

Ауа райы • Бүгін, 00:34

Боран мен көктайғақ: Қазақстанның барлық өңіріне ескерту жарияланды

Ауа райы • Кеше

Абай шығармаларының академиялық толық жинағы жарық көрді

Руханият • Кеше

Лондонның Ресейге санкциясы: Қазақстан экономикасына қалай әсер етеді?

Санкция • Кеше

Ақтөбе облысында елді мекендерді газдандыру жобасы артығымен орындалды

Инфрақұрылым • Кеше

Жоғары жалақы байлықтың көрсеткіші ме?

Қаржы • Кеше

Келер жылы тұрғын үй бағасы қандай болады?

Қоғам • Кеше

Нұрлыбек Нәлібаев Қызылорданың ескі автовокзалына қатысты қауесеттерге жауап берді

Қоғам • Кеше

Қызылорда әуежайы вьетнамдық компанияның басқаруына берілмейді

Қоғам • Кеше

Қызылорда облысының әкімі желідегі тапсырыспен қойылған лайк пен пікірлер туралы айтты

Аймақтар • Кеше

Дәрігерлер тапшылығы 19 пайызға, орта буын медицина қызметкерлері 7 пайызға азайды

Медицина • Кеше

Жекпе-жек айтыстың финалы: алтын қамшы мен автокөлік иесі кім?

Айтыс • Кеше

Ұлттық құрылтай: іргелі бастамалардың нақты нәтижесі

Құрылтай • Кеше

Алматыда «Уақыт жаңғырығы» атты көрме ашылды

Мәдениет • Кеше

Мемлекет басшысы Ресей Федерациясының Президентімен кездесті

Президент • Кеше

Барлық жаңалықтар