Титаник жолаушысының хаты аукционда шамамен 80 мың долларға сатылды

Фото: rg.ru

Генри Прайс Ходжес «Титаникке» Саутгемптон қаласында мініп, екінші класта сапар шеккен. Оның жол жүру билеті 13 фунт стерлинг тұрған. Ол 1912 жылғы 10 сәуірде кеме бортында жүріп, Саутгемптондағы Ньютаун консервативтік қауымдастығындағы досы Гектор Янгқа хат жазған.

Жолаушы Бостон қаласындағы туыстарына қонаққа баруды жоспарлаған. Хат Квинстаун қаласынан жіберілген. Онда Ходжес сапары жайлы баяндап, лайнердегі ахуалды сипаттайды. Ол ауа райының қолайлы екенін айтып, жолаушылардың ойын ойнап, кітап оқып және түрлі істермен уақыт өткізіп жатқанын жазған.

Ең қымбат аукциондық жәдігер

Хатының соңында Ходжес қатты шаршағанын айтып, ерте ұйықтауға ниетті екенін жеткізген. Алайда осы хат жазылғаннан кейін 5 күн өткен соң «Титаник» Нью-Йоркке бет алған сапарында Айсбергке соғылып, суға батты. Генри Прайс Ходжес шамамен 1,5 мың адаммен бірге қаза тапты. Кейін оның мәйіті табылып, Канаданың Галифакс қаласындағы Фэрвью зиратына жерленді.

Аукциондағы тағы бір құнды жәдігер – үшінші кластағы жолаушы Эрнест Томлиннің денесінен табылған бір долларлық банкнот болды. Ол 37 мың фунт стерлингке сатылды. Банкнот Томлиннің кеудешесіне тігіліп сақталған екен. Бұл лот та рекордтық бағаға өтіп, оның сатылу құны бастапқы бағалаудан шамамен 4 есе жоғары болды.

Telegram сыйлықтарды аукцион арқылы сату қызметін қосты

Айта кетейік, үш жыл бұрын «Титаник» жолаушысының лайнер бортында жазылған хаты Уругвайдағы аукционда 12 мың долларға сатылған болатын. Бұл хат 1912 жылы 11 сәуірде жазылған. Оны уругвайлық Рамон Артагавейтия Гомес ағасына жазған.