Тізімді заңсыз жылжытқан : Отбасы банк қызметкерлерді жұмыстан шығарды

АСТАНА, 10 тамыз – Sputnik. "Отбасы банк" тұрғын үйге арналған кезекті алға жылжытқан және құжаттарды қолдан жасаған қызметкерлерді жұмыстан шығарды. Бұл туралы қаржы институтының жылдық есебінде айтылды.

"2025 жылы клиенттердің, риэлторлардың, жеке сот орындаушылар мен нотариустардың мүдделерін қолдап, тұрғын үйге кезекті ілгерілеткені үшін заңсыз сыйақы алған банк қызметкерлерінің бірқатар сыбайлас жемқорлық фактісі анықталды", - делінген баяндамада.

Сондай-ақ филиал қызметкерлерінің бірі клиенттерді несиелік өтінімге қосу үшін олардың несие төлеу қабілеттілігін растайтын кірістер туралы құжаттарды қолдан жасаған.

"Жұмыс беруші бұл қызметкерлермен келісімшартты тоқтатты", - деп хабарлады банк.

Одан бөлек банк бұл қызметкерлерді қылмыстық жауапкершілікке тарту туралы өтініш берді. Қылмыстық істер бойынша тергеу жүріп жатыр.

"Отбасы банк" Қазақстандағы мемлекеттік тұрғын үй бағдарламалары, оның ішінде халықтың әлеуметтік осал топтарына тұрғын үй беру жөніндегі оператор.