Трамп әкімшілігі федералдық қызметкерлерді жұмыстан шығара бастады

Бұл туралы Воут американдық X әлеуметтік желісіндегі аккаунтында хабарлады.

OMB директоры Рассел Воут өзінің жазбасында: «Қызметкерлерді қысқарту басталды» деп жазды.

Өткен аптада АҚШ президенті Дональд Трамп Воутпен кездесіп, қай федералдық мекемелерде жұмыстан қысқартулар жүргізілетінін анықтайтынын мәлімдеген.

АҚШ-та 2025 қаржы жылы сейсенбі, 30 қыркүйекте түн ортасында аяқталды, ал Конгрестің уақытша бюджетті бекітпеуіне байланысты федералдық үкімет жабылды.

Конгрестің уақытша бюджетті бекітпеуінен туындаған жұмыс тоқтауы салдарынан көптеген федералдық қызметкерлер демалысқа жіберілді.

Қаржыландырудың болмауынан федералдық үкіметтің жұмысы он күнге тоқтап тұрған АҚШ-та республикалықтар мен демократтар уақытша бюджет туралы келісімге келе алмай отыр.

Вашингтондағы бюджет дауы созылып жатқанда, кеше Сенатта жетінші дауыс беру барысында республикалықтар мен демократтардың уақытша бюджет жобалары қажетті дауыстарды ала алмады.

Бұдан бұрын АҚШ президенті Дональд Трамп өзі қолға алған мемлекеттік бюрократиямен күрес жұмыстары аясында жеті федералдық агенттікте штат санын айтаралықтай қысқартуға бұйрық берді.