Тоқаев пен Путиннің бейресми кездесуі өтеді

АСТАНА, 11 қараша – Sputnik. Бүгін Кремльде Қазақстан президенті Қасым-Жомарт Тоқаев пен Ресей басшысы Владимир Путиннің бейресми жеке кездесуі өтеді. Бұл туралы Қазақстан президентінің баспасөз хатшысы Руслан Желдібай хабарлады.

Қасым-Жомарт Тоқаевтың сапарына орай Ресей Федерациясы президентінің атынан кешкі ас беріледі.

"Мемлекет басшысының ертеңгі жұмыс кестесі де өте тығыз. Кремльдегі ресми қарсы алу рәсімінен кейін Владимир Путинмен шағын және кеңейтілген құрамда келіссөздер жүргізіледі", - деп жазды Желдібай.

Президент сондай-ақ Қазақстан-Ресей өңіраралық ынтымақтастық форумында сөз сөйлейді.

Мемлекет басшысын салтанатты қарсы алу рәсімі №1 борт Ресей әуе кеңістігіне өткен сәттен басталып кетті. Ерекше құрметтің белгісі ретінде қазақстандық делегация отырған ұшақты истребительдер мен тікұшақтар алып жүріп, Внуково әуежайында әскери оркестр мен құрмет қарауылының қарсы алуымен жалғасты.