Трамп Иранды сейсенбінің бір түнінде жойып жіберемін деп қорқытты

Ақ үй басшысының мәлімдеуінше, америкалық қарулы күштерінің соңғы апталарда Иран үстінен ауқымды әуе шабуылын жүргізгенін, соңғы 37 күнде 10 мыңнан астам әуе шабуылын жасап, 13 мыңнан астам нысанаға соққы берген, деп жазды Republic. 

Трамп сондай-ақ Иранмен соғыста Вашингтонға «көмектеспеген» АҚШ одақтастарын сынға алды. 

— Жапония бізге көмектеспеді, Аустралия бізге көмектеспеді, Оңтүстік Корея бізге көмектеспеді, содан кейін НАТО-ға жүгінесіз — НАТО да бізге көмектеспеді, — деп мәлімдеді Дональд Трамп Ақ үйдегі баспасөз мәслихатында.

Трамп АҚШ-тың бұл елдерге көмек көрсетіп жатқанын қосты: «Жапонияда оларды Солтүстік Кореядан қорғап жүрген 50 мың әскеріміз бар, Оңтүстік Кореяда оларды Ким Чен Ыннан қорғап отырған 45 мың әскеріміз бар». 

Содан кейін Трамп кейбір Парсы шығанағының кей елдерін қолдау білдіргені үшін мақтады. 

— Сауд Арабиясы керемет болды, Қатар керемет болды, БАӘ керемет болды, Бахрейн, Кувейт керемет болды, — деп атап өтті ол.

«Ең ауқымды соққы»

Сол күні АҚШ қорғаныс министрі Пит Хегсет Ақ үйде президент Трамптың бұйрығымен «Эпикалық Қаһар» операциясы басталғаннан бері «ең ауқымды соққы» дүйсенбіде жасалатынын, егер Иран келіссөз жүргізбесе, сейсенбіде тағы да соққылар жасалатынын мәлімдеді. Хегсет Иранға «ақылмен» келісімге келуге кеңес беріп, Трамптың ниеті берік екенін атап өтті.

— Президенттің нұсқауы бойынша осы операция басталғаннан бері ең ауқымды соққы бүгін жасалады. Ертең одан да көп болады. Содан кейін Иранда таңдау болады. Ақылмен таңдаңыз, себебі бұл президент әзілдеп тұрған жоқ, — деді ол.

Трамп пен Хегсеттің мәлімдемелері Иранға стратегиялық тұрғыдан маңызды Ормуз бұғазын қайта ашу туралы ескертудің бір бөлігі ретінде айтылды. АҚШ сейсенбі күні сағат кешкі 20:00–ге (ET) дейін уақыт берді.

Осыған дейін Ормуз бұғазындағы транзит «екі дәлізді жүйеге» көшкенін хабарладық.