Трамп Ормуз бұғазында азат ету операциясы басталғанын жариялады

АҚШ Таяу Шығыс уақыты бойынша дүйсенбі күні таңертең Ормуз бұғазынан кемелерді шығару операциясын бастайды. Бұл туралы АҚШ президенті Дональд Трамп Truth Social әлеуметтік желісінде мәлімдеді, деп хабарлайды Tengrinews.kz.

АҚШ Таяу Шығыс уақыты бойынша дүйсенбі күні таңертең Ормуз бұғазынан кемелерді шығару операциясын бастайды. Бұл туралы АҚШ президенті Дональд Трамп Truth Social әлеуметтік желісінде мәлімдеді, деп хабарлайды Tengrinews.kz.

Оның айтуынша, "әлемнің түкпір-түкпірінен келген елдер" Вашингтонға АҚШ пен Иран арасындағы қақтығыс салдарынан Ормуз бұғазында бөгеліп қалған кемелерін босату туралы өтініш білдірген.

"Иранның, Таяу Шығыстың және АҚШ-тың игілігі үшін біз бұл елдерге олардың кемелерін осы шектеулі су жолдарынан қауіпсіз алып шығатынымызды, сонда олар өз жұмыстарын еркін әрі толыққанды жалғастыра алатынын хабарладық.... Project Freedom ("Бостандық жобасы" - ред. ескертпесі) деп аталатын бұл процесс Таяу Шығыс уақыты бойынша дүйсенбі күні таңертең басталады", - деді АҚШ басшысы.

Сонымен қатар Трамп егер бұл операцияға біреулер кедергі келтірмек болса, АҚШ күш қолданатынын мәлімдеді.

"Егер бұл гуманитарлық процеске қандай да бір жолмен кедергі жасалса, өкінішке қарай, мұндай араласу мәселесін күшпен шешуге тура келеді", - деп жазды Трамп.

АҚШ Қарулы Күштерінің Орталық қолбасшылығының (CENTCOM) мәліметінше, Ормуз бұғазы арқылы кемелердің өтуін қамтамасыз ететін "Бостандық" операциясына эсминецтер, ұшақтар және 15 мың әскери қызметші жұмылдырылады.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

"АҚШ-тың "Бостандық" жобасына әскери қолдауы басқарылатын зымыран қаруы бар эсминецтерді, 100-ден астам жердегі және теңіздегі авиациялық құралдарды, көп мақсатты ұшқышсыз платформаларды және 15 000 әскери қызметшіні қамтиды", - делінген CENTCOM-ның X әлеуметтік желісіндегі мәлімдемесінде.

Операцияға Мемлекеттік департамент пен АҚШ Қарулы Күштерінің Орталық қолбасшылығы Кеме қатынасы еркіндігінің теңіз коалициясы аясында жетекшілік етеді.

Бұдан бұрын Bloomberg агенттігі кемелерді қадағалау ресурстарының мәліметіне сілтеме жасап, Трамптың Иранның бейбіт жоспарын қабылдаудан бас тартуы және Ислам республикасына қайта соққы беру ықтималдығы аясында Ормуз бұғазындағы кеме қатынасы толығымен дерлік тоқтағанын хабарлаған болатын.

АҚШ президенті жексенбі күні Иранның қақтығысты реттеу бойынша жаңа ұсынысын "қолайсыз" деп атады. Бұған дейін Al Jazeera телеарнасы Тегеранның үш кезеңнен тұратын ұзақ мерзімді бейбітшілік орнату жоспарын ұсынғанын, оның бірінші кезеңінде 30 күн ішінде ұрыс қимылдарын толық тоқтату және шабуыл жасамау туралы келісім қарастырылғанын хабарлады.

Google News арқылы жаңалықтарымызды қадағалаңыз