Трамп: Украина соғыста жеңеді деп ойламамын

Владимир Зеленский мен Дональд Трамп Нью-Йорктегі БҰҰ Бас ассамблеясында, 2025 жыл, 23 қыркүйек / Сурет: Ukrainian Presidential Press Office/UPI Photo/IMAGO

АҚШ президенті Дональд Трамп Украинаның Ресеймен соғыста теориялық тұрғыдан  жеңіске жетуі мүмкін, бірақ ықтималдығы аз деп мәлімдеді. Бұған дейін ол Украина Еуропалық Одақтың қолдауымен барлық аумағын қайтара алатынын айтқан болатын, деп хабарлайды dw.com.

АҚШ президенті Дональд Трамп Украинаның Ресеймен соғыстағы жеңісіне сенбейтінін мәлімдеді, сонымен бірге теориялық тұрғыдан бұл мүмкін екенін де атап өтті. Трамп бұл мәлімдемені дүйсенбіде, 20 қазанда Австралия премьер-министрі Энтони Альбанеземен бірлесіп сөйлеген сөзінде жасады.

"Олар әлі де жеңе алады. Мен олардың жеңетініне сенбеймін, бірақ теориялық тұрғыдан мүмкін. Мен олар жеңеді деп ешқашан айтқан емеспін - мен олардың жеңіске жетуі мүмкін деп айттым. Бәрі де мүмкін", - деп Трамптың сөзін CNN телеарнасы келтірді.

Бір айға жетпейтін уақыт бұрын Ақ үйдің басшысы Украина Еуропалық Одақтың қолдауымен "күресіп, бұрынғы шекарасындағы" барлық аумағын қайтара алатынын айтқан болатын. "Уақыт өте келе, шыдамдылықпен және Еуропаның, атап айтқанда НАТО-ның қаржылық қолдауымен, бұл соғыс басталған бастапқы шекараларды қайта қалпына келтіруі мүмкін", - деп атап өткен американдық көшбасшы.

Бүгін, 10:03