Тұрғындар өтінішін таразылады

Қабылдауды партия филиалы атқарушы хатшысының орынбасары Ербол Байқонысов жүргізіп, қала тұрғындарының жеке өтініштері мен шағымдарын тыңдады.

Қабылдауға келген азаматтардың бас­ым бөлігі инфрақұрылым, әлеуметтік қолдау және баспана мәселелерін көтерді. Әсіресе, әрбір тұрғынның күнделікті өмірі­не тікелей әсер ететін түйткілдер ерекше назарға алынды.

Шұғыла мөлтек ауданының тұрғыны, зейнеткер А.Абдрахманова мемлекеттік бағдарлама арқылы баспана алу жол­дарына қатысты сұрақ қойып, сонымен бірге қызын жұмысқа орналастыруға жәрдем сұрады.

Ербол Байқонысов зейнеткердің мәсе­лесін жан-жақты тыңдап, баспанаға қа­тыс­ты заң аясында толық түсіндіру жұмыс­тарын жүргізді. Ал жұмыспен қамту мәсе­лесі бойынша А.Абдрах­манова қызына қатысты мәселемен тиісті сайлау округіне жауапты мәслихат депутатының жеке қабылдауына жазыл­ды.

Көкбұлақ елді мекенінің тұрғыны, зейнеткер М.Жиенбеков Бадам өзенінен егістік алқабына су шығару проблемасын көтерді. Бұл мәселе өңірдегі ауыл шаруа­шы­лығы үшін маңызды бағыттардың бірі саналады.

Аталған сұрақ бойынша арнайы жоба­лық-сметалық құжаттама әзірленіп, келесі жылдың бюджетіне енгізілуіне фракция тарапынан қолдау көрсетілетіні атап өтілді.

Қабылдау барысында айтылған бірқа­тар түйткілдер дереу шешімін тапты. Ал зерделеуді қажет ететін мәселелер арнайы хаттамаға енгізіліп, партиялық бақылауға алынды.

«AMANAT» партиясы тұрғындардың өтініштерін назардан тыс қалдырмай, әлеуметтік мәселелерді шешуге атсалы­суды жалғастырады. Қоғамдық қабылдау жұмыстары алдағы уақытта да тұрақты түрде жүргізілетін болады.

Елнар ЕЛТАЙ