Түркістан облысында кішкентай қызды зорлаған жасөспірім сотталды

АСТАНА, 25 желтоқсан – Sputnik. Түркістан облысында кәмелтке толмаған қыз баланы зорлаған жасөспірім 10 жылға сотталды, деп хабарлайды облыстық соттың баспасөз қызметі.

Сот сотталушы С. 2025 жылы 7 шілдеде сағат 17.30 шамасында жәбірленуші жас бала А.-ны көшеде көріп, әңгімеге тарту арқылы алдап, көпірдің астына алып барып, жәбірленушінің қарсылық көрсеткеніне қарамай, күш қолданып, оның дәрменсіз күйін пайдаланып, зорлағанын анықтады.

Прокурор сотталушыға 10 жыл мерзімге бас бостандығынан айыру түріндегі жаза кесуді сұрады. Сотталушы тағылған айыпты ішінара мойындап, жеңіл жаза тағайындауды сұрады.

"Жәбірленушінің заңды өкілі сотталушыға қатаң жаза кесіп, одан 20 млн теңге моральдық залалды өндіруді сұрады", - деп жазылған хабарламада.

Сот жаза кезінде кезінде сотталушының кәмелет жасына толмағанын, бұрын сотты болмағанын, кінәсін ішінара мойындағанын қылмыстық жауапкершілікті жеңілдететін мән-жай ретінде қарастырды. Ауырлататын мән-жай анықталмады.

Сот кәмелет жасқа толмаған сотталушы С.-ға 10 жыл мерзімге бас бостандығынан айыру жазасын кесті. Жазасын кәмелетке толмағандарды ұстауға арналған орташа қауіпсіз мекемеде өтейді. Моральдық залал ретінде 8 млн теңге өндірілді.

Үкім заңды күшіне енген жоқ.