Алматы облысында жетім қызды зорлаған 7 жасөспірім екені анықталды

Бала құқықтары жөніндегі уәкіл Динара Зәкиева Алматы облысында кәмелетке толмаған қызға жасалған азғындық дерегіне байланысты пікір білдірді, деп хабарлайды Аikyn.kz сайты Іnbusiness.kz сілтеме жасап.  

Бала құқықтары жөніндегі уәкіл Динара Зәкиеваның айтуынша, кәмелетке толмаған 7 жасөспірім анықталған. 

– Алматы облысында қыз балаға қатысты сексуалдық сипаттағы зорлық-зомбылық әрекеттері жөнінде сұрақтар түсіп жатыр. Кәмелетке толмаған жеті жасөспірім анықталды. Тергеу жүріп жатыр. Өңірлік бала құқықтары жөніндегі уәкіл мен психолог мамандар дүйсенбіден бері оқиға орнында жұмыс істеп жатыр", – деп жазды Динара Зәкиева.

Айта кетейік, бұған дейін Алматы облысы Жамбыл ауданына қарасты Қарғалы ауылында кәмелетке толмаған қызды бірнеше адам зорлады деген ақпарат тараған болатын. Желіде тараған видеода әйел мен бірнеше ата-ана мектепке келіп, 7-сыныпта оқитын жетім қыздың зорлық көргенін және мұны басшылықтың жасыруға тырысқанын жеткізді.