Түркияда демалуды жоспарлап отырған саяхатшыларға алаяқтықтың жаңа схемасы туралы ескертілді

Осы жазда Түркиядан өз бетінше баспана жалдауды жоспарлап отырған туристерге алаяқтықтың жаңа схемасы туралы ескерту жасалды. Түркияның құқық қорғау органдарының мәліметінше, қаскөйлер бұдан да күрделі тәсілге көшкен: олар алдын ала төлемді алғаннан кейін түрлі сылтаулармен клиенттерден қосымша ақша аударуды талап етеді, деп хабарлайды Tengri Travel.

Осы жазда Түркиядан өз бетінше баспана жалдауды жоспарлап отырған туристерге алаяқтықтың жаңа схемасы туралы ескерту жасалды. Түркияның құқық қорғау органдарының мәліметінше, қаскөйлер бұдан да күрделі тәсілге көшкен: олар алдын ала төлемді алғаннан кейін түрлі сылтаулармен клиенттерден қосымша ақша аударуды талап етеді, деп хабарлайды Tengri Travel.

"Турпром" ақпаратынша, алаяқтар әсіресе үйлер мен бунгалоларды қысқа мерзімге жалдау нарығында жиі белсенділік танытады. Саяхатшылар Сакарья, Ялова және Бурса провинцияларындағы танымал табиғи аймақтардағы орналасу ұсыныстарына ерекше мұқият болуы тиіс.

Схема қалай жұмыс істейді?

Алаяқтар әлеуметтік желілерде парақшалар мен нақты жұмыс істеп тұрған нысандардың ресми сайттарына ұқсайтын ресурстар жасайды. Әлеуетті клиенттерді жеңілдіктермен, акциялармен және ерте брондаудың тиімді шарттарымен қызықтырады.

Турист алдын ала төлем жасағаннан кейін, алаяқтар бұрынғыдай бірден жоғалып кетпейді. Оның орнына алдаудың екінші кезеңі басталады, бұл кезде құрбанды қосымша сома аударуға көндіруге тырысады.

Бұл үшін екі негізгі нұсқа қолданылады.

Біріншісі - "мүлікке зақым келген жағдайдағы депозит". Клиентке қоныстану үшін жиһаз бен техникаға шұғыл түрде сақтандыру жарнасын төлеу қажеттігі айтылады. Бұл ретте ақшаны шыққан кезде толық қайтаруға уәде береді.

Екінші схема банктік аударымның "тұрып қалуына" негізделген. Туристке алдыңғы төлем түсініктемедегі қателік немесе басқа да техникалық мәселелерге байланысты өңделмегені айтылады. Содан кейін бастапқы аударымды "бұғаттан шығару" үшін ақшаны қайта жіберуге көндіреді.

Зардап шеккендердің хикаялары

Жаңа схема кейбір саяхатшыларды үлкен шығынға батырып үлгергені атап өтілді.

"Бұл схеманың сұмдығы сонда, түрік алаяқтары сенгіш демалушылардан қомақты қаражат шығарып ала бастады. Зардап шеккендердің бірі 52 мың лирасынан айырылды, бұл нақты бағам бойынша шамамен 553 мың теңгені құрайды. Біздің туристер мынадай қатаң ережені есте сақтауы керек: "тұрып қалған аударым" деген сияқты банктік түсініктер жоқ, ал түрік қаржыгерлері мұның қылмыскерлердің ойдан шығарғаны екенін ресми түрде растады", - деп хабарлайды басылым.

Брондау кезінде не нәрсеге назар аудару керек?

Сарапшылар тым тартымды ұсыныстарға сақтықпен қарауды және белгісіз делдалдардың сұрауы бойынша жеке банктік шоттарға ақша аудармауды ұсынады.

Брондау алдында компания немесе баспана иесі туралы ақпаратты тексеріп, ресми TURSAB (Түрік туристік агенттіктер қауымдастығы) тіркеу нөмірін сұрату, сондай-ақ ұйымның шын мәнінде бар екеніне және заңды жұмыс істейтініне көз жеткізу керек.

Бұдан бөлек, мамандар ірі әрі тексерілген брондау платформаларын қолдануға немесе төлемді тікелей қоныстану кезінде жасауға кеңес береді.

Тәуекел неге артты?

Өз бетінше саяхаттау мен жеке баспана жалдаудың танымалдығы артып келеді, мұны алаяқтар белсенді пайдаланып жатыр. Қазіргі жасанды сайттар мен әлеуметтік желілердегі жалған парақшалардың түпнұсқадан іс жүзінде ажыратылмайтыны жағдайды одан сайын қиындата түседі.

Сондықтан мамандар туристерді деректемелерді мұқият тексеруге, ақша аударуға асықпауға және алдын ала төлем жасалғаннан кейін кез келген қосымша төлем талаптарына күмәнмен қарауға шақырады.

Google News арқылы жаңалықтарымызды қадағалаңыз

Жазылу