Түркияда ірі банкноттар шығару кейінге шегерілді

Түркияның Қаржылық қадағалау органы қазіргі уақытта жоғары номиналдағы банкнот шығару жоспары жоқ екенін атап өтті.

Қазіргі уақытта айналымда алты номинал бар: 5, 10, 20, 50, 100 және 200 лира. Ең соңғы және ең үлкен банкнот 200 лира 2009 жылы айналымға енгізілді және соңғы жылдары ұлттық валютаның сатып алу қабілетінің айтарлықтай төмендеуіне және бағаның рекордтық өсуіне қарамастан, жаңартылмады.

2019 жылы басталған инфляциялық дағдарыс кезінде елдегі баға 670 пайызға көтерілсе, түрік лирасы 87 пайызға құнсызданды. Алты жыл бұрын құны 200 лира болатын дәл сол тауарлар жинағын бүгінде сатып алу үшін 1540 лира немесе ең жоғары номиналдағы жетіден астам банкнот қажет.

Нәтижесінде айналыстағы 200 лиралық купюралардың үлесі күрт өсті — олар бұрын 11% ғана болса, қазір барлық банкноттардың 59%-ға жуығын құрайды. Олардың ұсынысы 1490%-ға өсті, ал басқа номиналдардың ұсынысы іс жүзінде өзгеріссіз қалды.

Соған қарамастан түрік билігі жаңа банкнот енгізуді қажет деп санамайды. Экономистер мұндай қадам инфляция туралы түсінікті арттырып, ұлттық валютаға деген сенімге нұқсан келтіретінін ескертті.

Сонымен қатар, Түркия қолма-қол ақшасыз төлем әдістеріне жылдам өтуде. 2019 жылдан бері карточкалық және цифрлық транзакциялар көлемі 20 еседен астам (2 076%-ға) өсіп, 20,2 трлн лираға жетті (елдегі картаны пайдалану 86%-ға өсті). Сарапшылар елге көлеңкелі экономикамен күресуге және ақша ағынына бақылауды күшейтуге жаңа банкноттарды шығару емес, цифрландырудың септігі тиіп жатыр деп есептейді.

Бұған дейін Дүниежүзілік банк Түркияға қатысты экономикалық болжамын жаңартқанын хабарлаған едік.