Тынық мұхитында дабыл: жер қыртысы бөлшектеліп жатыр

Солтүстік Тынық мұхитындағы Каскадия субдукция аймағында жүргізілген жаңа зерттеу жер қыртысының бөліктері ыдырап, ажырап бара жатқанын көрсетті, – деп хабарлайды Aikyn.kz 

Ғалымдар бұл құбылысты тектоникалық плиталардың баяу қозғалысы және Жердің эволюциялық циклының табиғи бөлігі деп түсіндіреді. Зерттеу кезінде Ванкувер аралы маңындағы төрт плитаның — Explorer, Хуан-де-Фука, Тынық мұхиты және Солтүстік Америка — түйіскен тұсында 75 шақырымдық жарық сызығы анықталған.

Мамандардың айтуынша, бұл — субдукция аймағының біртіндеп «ыдырау» процесі. Плита толық қирап жатқан жоқ, бірақ біртіндеп микроплиталарға бөлініп, жаңа шекаралар түзіп келеді.

«Бұл пойыздың апаты емес, баяу рельстен шығуы секілді процесс», — дейді зерттеу жетекшісі доктор Шак.

Зерттеу нәтижелері Science Advances журналында жарияланды.