Ұлт бірлігі нақты тұжырымдалған

Мемлекет басшысы «Ішкі саясаттың негізгі қағидаттары, құндылықтары мен бағыттарын бекіту туралы» Жарлыққа қол қойды. Мұны жай ғана бағдарламалық құжат емес, елімізге кейінгі жылдардағы институционалдық реформалар мен қоғамның әділдікке деген сұранысын біріктіретін ортақ мағыналық негіз беруге бағытталған талпыныс деп атар едім.

Сурет: kaztag.kz

Тұжырымдаманы әзірлеу идеясы алғаш рет Бурабай­да өткен Ұлттық құрылтай отырысында айтылды. Алты ай бойы сарапшылармен, азаматтық қоғам және ғылыми қауымдастық өкілдерімен ашық талқылаулардан кейін құжат мемлекеттің бүкіл ішкі саясатына жүйелі негіз болатын мағынаға ие болды.

Негізгі назар деклара­ция­ларға емес, жаңа саяси мәде­­ниетті қалыптастыра­тын қа­ғи­­даттарға аударылып отыр. Әрбір ізгі идея адам мен мемлекет дамуына тірек болатын, екі тараптың да жауапкершілі­гін айқын­дау­ға бағытталған. Елдің тұрақты дамуы жолында мемлекеттілікті және ұлт бірлігін нығайту мақсаты айқын тұжырымдалған.

Құжат айқындаған алты негізгі қағидаттың әрбірі маңыз­ды мәнге ие. «Заң мен тәртіп» қауіпсіздік пен инс­титуттарға деген сенімнің кепілі болса, «Халық үніне құлақ асатын мем­лекет» – қоғамды жоға­ры­­дан басқару емес, оны естуге және түсі­нуге бағытталған қадам. «Әртүрлі көзқарас – бір­тұтас ұлт» – көзқарастардың алуан тү­р­л­ілігіне құрмет мәдениеті болса, «Күшті Президент – ық­пал­ды Парламент – есеп бере­­тін Үкімет» – билік монополиясын болдырмайтын институционалдық теңгерім. Ал «Адал азамат» – еңбек эти­ка­­сы, жауап­кершілік пен пат­­рио­тизм­ге бағ­дар. «Таза Қазақ­стан» – қор­ша­ған ортаға, кеңістікке және м­ә­де­ниетке ұқыпты көзқарас.

Бұл қағидаттар ішкі сая­сатты жай ғана шешімдер жиын­­­тығынан мән-мағыналар жүйесіне айналдырады. Олар мемлекет пен азамат арасын­дағы өзара әрекеттесу логикасын қалыптастырады, онда сенім дамудың басты ресурсына айналады.

Құжат тек мемлекеттік органдарға емес, бүкіл қоғамға арналған. Ол ортақ мақсатты ұсынады – әділ, ашық және заманауи Қазақстан. Онда құндылықтар, институттар мен іс-әрекеттер өзара үйлесім тапқан. Бұл – мемлекеттік сая­саттың тек үдерістерді басқару емес, ұлттың ортақ мақсаттары мен алға жылжуын нығайтуды көздеген ниет.

Никита ШАТАЛОВ,

Мәжіліс депутаты