Ұлттық құрама Италиядағы қысқы Олимпиадаға 23 жолдама алды

Қоржынымызда 23 жолдама.

Ақпан айының басында Италияның Милан қаласында қысқы олимпиада ойындары басталады. Бұл жарысқа ұлттық құрама өкілдері 23 жолдама жеңіп алды. Атап айтқанда, конькимен шүгіру шеберлерінде 12, шорт-трек шеберлерінде 9, ал мәнерлеп сырғанаудан 2 лицензиямыз бар.

Жәнібек әлемдік рейтингті бастап тұр

Жәнібек әлі рейтингті бастап тұр. WBO, яғни Дүниежүзілік бокс ұйымы допинг дауына қарамастан қазақстандық боксшының мәртебесін сақтап қалды. Жәнібек Әлімханұлы орта салмақтағы чемпион ретінде жаңартылған тізімнің бірінші сатысына жайғасты. Одан кейін белдікке басты үміткелер британдық Дензел Бентли, венесуэлалық Эндри Сааведра және кубалық Йоэнлис Эрнандес орналасқан. Айта кетейік, қазақстандық кәсіпқой боксшының қарашада тапсырған допинг сынамасынан тыйым салынған мельдоний препараты анықталған болатын. Артынша үш бірдей чемпиондық белдікті біріктіретін Жәнібек Әлімханұлы мен Эрисланди Ларамен кездесуі өтпей қалды. Енді көпшілік қаңтардың сегізін тағатсыздана күтіп отыр. Өйткені дәл сол күні В допинг сынамасы ашылады және Жәнібектің мәселесіне қатысты нүкте қойылады. Ал боксшының өзі әлі күнге дейін  неге бұлай болғанын түсіне алмай отыр.

ЦИТАТА:

Жәнібек Әлімханұлы, кәсіпқой боксшы

 -Мен қай кезде де таза спортты қолдаймын. Бұл жаңалық мені қатты таңқалдырды. Алғашқы сынақта ешқандай тыйым салынған зат анықталған жоқ. Қоспаларды да өзгерткен емеспін. Екінші сынақтағы нәтиженің қалай шыққанын түсінбеймін, сондықтан қайта тексеруді сұрадым.

Жәнібектің менеджері Берік Сұлтан да күні кеше осы мәселеге қатысты пікір білдірді. Қандай жағдай болмасын бәріне дайынбыз және соңына дейін берілмейміз деген алға тартты.    

ЦИТАТА:

Берік Сұлтан, Жәнібек Әлімханұлының менеджері

Егер сынама оң нәтиже көрсетсе, Жәнібектен WBO және IBF титулдарын алалды. Бұған қоса, жарты жылға, бір жылға не бір жарыс жылға дисквалификация беруі мүмкін. Бірақ біз ондай жағдайда да берілмейміз. Жәнібек небәрі 33 жаста. Кроуфорд 38 жасында «Канелоны» жеңді. Біз әлі талай белесті бағындырамыз.

Дулат Бекбауов әлемдік рейтингте көтерілді 

Дулат Бекбауов әлемдік рейтингте айтарлықтай көтерілді. Қазір кәсіпқой бокста өнер көрсетіп жүрген жерлесіміз Boxrec.com сайтының жаңартылған тізімінде 368 орыннан 236-орынға жоғарылады. Айта кетейік, ол жуырда ғана Алматыда өткен бокс кешіне қатысып, өзбекстандық Хасанбой Мирзахамраевты нокаутпен жеңген болатын. Бұл Дулаттың кәсіпқой рингтегі екінші жеңісі. Ол биыл маусым айында әзербайжандық Ниджат Гасановты да осылай уақытынан бұрын ұтты. Дулаттың әуесқой бокстағы нәтижелері де өте жақсы. Ол ұзақ уақыт ұлттық құрама сапында болып, Әлем және Азия чемпионатының жүлдегері атанды. Бірақ бірер апта бұрын допинг дауына ілігіп, екі жылға жарыстардан шеттеліді. Яғни ол әуесқойлар арасындағы додаларға қатыса ламайды. Ал кәсіпқой бокстағы мансабын осылай жалғастыра береді.

ҚХЛ: «Барыс» «Трактордан» жеңілді

«Барыс» есе жіберді. Астаналық команда құрлықтық хоккей лигасы аясындағы кезекті кездесуін өз алаңында өткізіп, ұпай еншілей алмады. Михаил Кравец баптайтын жігіттер бұл жолы Челябі қаласының «Трактор» клубын қабылдаған болатын. Екеуі деңгей жағынан шамалас және Шығыс Конференциясы турнир тізімінде негізгі бәсекелес саналады. Бірақ, қонақтар ә дегеннен басымдық өз қолдарына алып, Андрей Шутов қорғайтын қақпаға қос шайба соқты. Қорытынды есеп: 0:2. Десе де жалпы тізімде өзгеріс бола қойған жоқ. «Барыс» 39 ойында 34 ұпай жинап, 8-ші орнын сақап қалды. "Трактор" екі сатыф жоғары тұр. Енді қазақстандық клуб ертең өз алаңында кезекті кездесуін өткізеді. Бұл жолы Обмы қаласының «Авангард» хоккей клубымен жолағады.