Ұлым үшін қуана алмаймын ба? : қақпашы Шерхан Қалмұрзаның анасы ренішін білдірді

"Қайрат" футбол клубының 18 жастағы қақпашысы Шерхан Қалмұрзаның анасы Сәуле Рабаева көптеген паблик пен спорт сайтына өз ренішін білдірді, – деп хабарлайды Aikyn.kz сайты.

Сәуле Рабаеваның айтуынша, оның ұлымен бірге "Қайраттың" жеңісін тойлау кезінде жариялаған фото-видеоларын көптеген паблик оңды-солды пайдаланып, түрлі жағымсыз тақырыппен шығарған.

"Қаншама телеарналар, жобалар сұхбат алу үшін мені шақырды. Бұл менің тәкаппарлығым емес. Керісінше, бұл менің ұлымның жағдайын түсінуге тырысуым. Себебі оның алдында екі қақпашы ағасы жарақат алып қалды. Осылайша, мен командаға құрмет көрсеттім. Ұлым командада жалғыз ойнамайды. Қаншама ағалары бар командада. Ал ұлым мен Дастан екеуі командадағы ең кішкентайлары. Мен ұлымның жеңісі үшін қуана алмаймын ба? Ұлымның жеңісі үшін билей алмаймын ба?" – деді Сәуле Рабаева.