ҰҚК Қазақстаннан ақшаны жаппай шығару әрекеттері туралы хабарлады

ҰҚК Шеккара қызметі тамыздың алғашқы 10 күнінде Қазақстаннан қолма-қол ақшаны заңсыз алып шығудың 70 әрекетінің жолын кесті. Декларацияланбаған қаражаттың жалпы сомасы 645 миллион теңгеден асты, деп хабарлайды Tengrinews.kz.

10 күнде 70 әрекет

ҰҚК Шеккара қызметінің мәліметінше, 1-10 тамыз аралығында мемлекеттік шекара арқылы өткізу пункттерінде ақшалай қаражатты заңсыз алып шығудың 70 дерегі тіркелген.

ҰҚК баспасөз қызметінің фотосы

Анықталған декларацияланбаған қолма-қол ақшаның жалпы сомасы 645 миллион теңгеден асқан.

ҰҚК баспасөз қызметінің фотосы

Анықталған фактілер бойынша материалдар процесуалдық шешім қабылдау үшін құзырлы органдарға тапсырылды.

Оқиғалардың бірі Жамбыл облысындағы "Қордай" автокөлік өткізу пунктінде болды. Шеккаралық бақылау кезінде шетел азаматынан 70 мың доллар (шамамен 32,5 миллион теңге) табылды. ҰҚК мәліметінше, ақша киімнің астына жасырылған.

ҰҚК баспасөз қызметінің фотосы

ҰҚК Шеккара қызметі Қазақстаннан заңнамада белгіленген лимиттен артық, яғни декларациялау талаптарын сақтамастан 10 мың доллардан астам қолма-қол ақшаны алып шығуға тыйым салынғанын еске салды.

Google News арқылы жаңалықтарымызды қадағалаңыз