Ұстаз ұлағаты ұрпаққа өнеге

Түркістан облысында ұлағатты ұстаз, білім саласының ардагері Құтым Ордабаевты еске алуға арналған тағылымды шара өтті. Танымдық конференцияға оның ұрпақтары мен ұлт зиялылары, мемлекет және қоғам қайраткерлері, педагогтар қатысты. Шара аясында есімі ел есінде сақталған қайраткердің өнегелі еңбегі ұлықталды.

Құтым Ордабаевтың 100 жылдығына арналған танымдық конференцияға «Есімі аңызға айналған ұстаз» атауы берілді. Көпшілік назарына оның өмір жолын баяндайтын көркем фильм ұсынылды. 

Ардақты ұстаздың тағылымды тағдыры кейінгі ұрпағына үлгі. Елге сіңірген еңбегі де елеусіз қалған жоқ. Одақ көлемінде үздік педагог ретінде танылды. «Құрмет» орденімен марапатталды. 

Бекет Тұрғараев, Заң ғылымдарының докторы, профессор:

- «Өз уақытын аямаған, өзгенің уақытын аялаған» деген тәмсіл бар ғой педагогтарға арналған. Сол адамның нағыз өзі осы кісі еді. Өзінің болмыс, бітімімен жұртқа үлгі-өнеге бола білген адам. Халық босқа сыйламайды. 

Рухани-мәдени шара аясында «Құт дарыған өлкенің Құтымы» тақырыбында көрме ұйымдастырылды. Көпшілік назарына еңбектері мен естелік фото-суреттері ұсынылды.

Мақсұт Ордабаев ТМД Мен ҚР еңбек сіңірген энергетигі:

- Бізге, әулетіне, үрім-бұтағына бұл кісінің өнегесі, сезімталдығы, адамгершілігі, пайымы, шыдамдылығы, сабырлығы өте үлкен әсер етті. 

Танымдық конференцияда Құтым Ордабаевтың құрметіне орай мектепке есімін беру туралы ұсыныс айтылды. Игі бастама көпшіліктің қолдауына ие болды. 

Авторлары: Нұрсұлтан Мұхамеджан, Нұрмахан Мұсатов, Нұрмахан Бекмұратов