UZCARD карталары Қазақстандағы Halyk Bank желісінде қабылданатын болады

Басқарма төрайымының орынбасары Мұрат Көшеновтың айтуынша, бұл меморандумға қол қою трансшекаралық төлем инфрақұрылымын дамытудағы және Өзбекстан мен Қазақстан арасындағы қаржылық ынтымақтастықты нығайтудағы маңызды қадам: 

«Бүгін біз қолма-қол емес төлемдердің ыңғайлылығы шекарамен шектелмеуі үшін маңызды қадам жасап отырмыз». 

АКБ «Tenge Bank» басқарма төрағасы Бейбіт Хамитұлы Фалеевтің айтуынша, осы меморандумға қол қою – трансшекаралық төлем сервистерін дамыту жөніндегі стратегияның қисынды жалғасы.

«Біз үшін Tenge Bank клиенттері мен UZCARD карталарының иелері елден тыс жерлерде де үйреншікті қаржы құралдарын ешқандай шектеусіз пайдалана алуы маңызды. Серіктестермен бірлесіп, біз клиенттердің заманауи талаптарына сай келетін және екі ел арасындағы қаржылық интеграцияның дамуына ықпал ететін ыңғайлы әрі қолжетімді төлем ортасын қалыптастырып жатырмыз», – деп атап өтті Бейбіт Фалеев. 

UCMG коммерциялық директоры Олимжон Закиров та өнімге сұраныс болатынын мәлімдеді:

«Tenge Bank және Halyk Bank-пен бірлескен жұмыс цифрлық қаржы қызметтерін одан әрі дамытуға, жаңа технологиялық шешімдерді енгізуге және өңірде қолма-қол емес төлемдердің қолжетімділігін арттыруға негіз болады деп сенеміз».

Halyk Bank, Tenge Bank және UZCARD төлем жүйесі арасындағы үшжақты меморандумға қол қою Қазақстан мен Өзбекстан арасында бірыңғай төлем кеңістігін қалыптастыру жолындағы маңызды қадамға айналуда. Бұл бастаманы жүзеге асыру екі ел азаматтары үшін қолма-қол ақшасыз есеп айырысулардың ыңғайлылығы мен қолжетімділігін арттырып қана қоймай, экономикалық байланыстарды нығайтып, туризм мен бизнестің дамуына ықпал етеді, сондай-ақ өңірдің қаржы жүйелерінің интеграциясын жеделдетеді. Ұзақ мерзімді уақытта бұл ынтымақтастық Орталық Азияда ашық, технологиялық және өзара байланысқан қаржылық экожүйені қалыптастыруға негіз қалайды.