Вице министр: Авиабилеттерді толық қайтару бағаны шарықтатады

Көлік вице-министрі Талғат Ластаев Үкіметте өткен баспасөз мәслихатында авиабилеттерді толық қайтарған жағдайда, билет бағасы қымбаттап кетуі мүмкін екенін айтты, деп жазады Egemen.kz.

Фото: yandex.kz

Т.Ластаевтың мәлімдеуінше, мұндай жағдай халықаралық тәжірибеде бар.

«Түрлі себептермен рейске келмей қалатын жолаушылар болады. Сол кезде орын бос қалады, ұшақ жолаушысыз ұшады, ал толық өтемақы төленетін жағдайда бұл шығындар басқа жолаушыларға теңдей бөлінеді», деді ведомство өкілі.

Вице-министрдің айтуынша, мәселені депутаттармен талқылап, (қандай жағдайда билет құнын қайтару міндетті және қай кезде негізсіз) ойланып шешім қабылдау қажет.