Volkswagen компаниясы 50 мың жұмысшыны қысқартады

Фото: РИА Новости

Директордың айтуынша, компанияның қазіргі жағдайы әлі де күрделі әрі шиеленісті күйінде қалып отыр, сондықтан концерн бұған тиісті түрде әрекет етуге міндетті.

«2026 жылы автомобиль өнеркәсібі үшін қалыптасқан жағдайлар бұрынғыдан да күрделене түсті. Ондаған жылдар бойы табысты болып келген бизнес-моделіміз бүгінде бұрынғыдай жұмыс істемейді. Біз оны жаңартуымыз керек», деді Оливер Блюме акционерлермен өткен онлайн кездесуде. 

Volkswagen нарықтан толық кетуі ықтимал

Оның сөзінше, бұл бағыттағы жұмыс қазірдің өзінде басталған. Ал басқа маңызды шешімдер жазда бақылау кеңесімен бірлесіп қабылданады. 

Негізгі бренд аясында қысқартуға жататын 35 мың қызмет орнының нәтижесінде қызметкерлер саны 2026 жылдың соңына қарай 19 мың адамға азаяды. Блюменің айтуынша, 28 мың қызметкердің ерікті түрде жұмыстан шығуы жөнінде келісім жасалған. Сонымен бірге Германиядағы Volkswagen зауыттарының өндірістік шығындары 2025 жылы 20 пайыздан астам қысқарған.

Сондай-ақ компания басшысы зауыттардың өндірістік көлемін одан әрі азайту және артық өндірістік қуаттарды қысқарту жоспарын растады.

Бірқатар мемлекеттік мекемеде штат саны қысқарады

2030 жылға дейін концерннің Еуропадағы зауыттарының өндірістік қуатын тағы 500 мың автокөлікке қысқарту көзделіп отыр. Бұл – 2028 жылға дейін жүзеге асырылып жатқан 1 миллион автокөлікке арналған қысқартуға қосымша шара. Осындай көлемдегі қысқарту Қытайдағы кәсіпорындарда да жоспарланған. Алайда Блюме нақты қандай шаралар қабылданатынын ашып айтпады.

Бұған дейін Volkswagen 2026 жылдың алғашқы үш айындағы таза пайдасы 28,4 пайызға азайып, 1,56 миллиард еуро болғанын хабарлаған еді. Компания әсіресе Қытай мен АҚШ нарығындағы әлсіз сатылым көрсеткіштерінен зардап шегіп отыр. Соның салдарынан 2026 жылдың бірінші тоқсанында концерннің барлық брендтері бойынша әлемдік жеткізілім көлемі 2,05 миллион автокөлікке дейін төмендеді. Бұл өткен жылдың сәйкес кезеңімен салыстырғанда 4 пайызға аз. Жеткізілімдердің төмендеуі негізінен Қытай мен Солтүстік Америкада байқалды, ал Еуропадағы өсім бұл құлдыраудың орнын толтыра алмады.

NASA қызметкерлерінің саны 20%-ға қысқарады