Зеленский Украинадағы әскери жағдайды тағы 90 күнге ұзартты

АСТАНА, 27 қазан – Sputnik. Владимир Зеленский Украинадағы әскери жағдай мен жалпы мобилизациялауды тағы 90 күнге ұзарту туралы заң жобаларына қол қойды, деп хабарлайды Жоғарғы Рада.

Дүйсенбі күні Жоғарғы Рада депутаттары әскери жағдай мен мобилизациялауды тағы 90 күнге ұзартуды қолдады.

Украина парламентінің сайтындағы деректерге сәйкес, екі заң жобасы да Зеленскийдің қолымен Радаға қайтарылды.

Украинада әскери жағдай 2022 жылдың 24 ақпанында жарияланды. Келесі күні Зеленский жалпы мобилизациялау туралы жарлыққа қол қойды.

Соғыс жағдайы кезінде 18 бен 60 жас аралығындағы ер адамдарға Украинадан шығуға тыйым салынған. Елде мобилизация кезінде әскери қызметтен жалтарғандар бес жылға дейінгі мерзімге бас бостандығынан айырылады.