Жаңа Конституция жобасы. Құрылтайда пропорционалды сайлау жүйесі қолданылады

Конституциялық реформалар жөніндегі комиссия жаңа Ата Заңның жобасын жариялады.

Ондағы негізгі жаңашылдықтарды жіпке тізсек. Кеңейтілген өкілеттіктерге ие бір палаталы жаңа Парламент – Құрылтай құру көзделіп отыр. Оның құрамына 145 депутат кіреді. Пропорционалды сайлау жүйесі қолданылады. Ал депутаттардың өкілеттік мерзімі 5 жыл. Жаңа жалпыұлттық диалог платформасы – Қазақстанның Халық Кеңесін құру да жобада көрініс тапқан. Ол Қазақстан халқы Ассамблеясы мен Ұлттық құрылтайдың стратегиялық функцияларын жалғастырады. Бұл Қазақстан халқының мүдделерін білдіретін, заң шығару бастамасы құқығына ие жоғарғы консультативтік орган болады. Тағы бір жаңашылдық Вице-президент институтына қатысты. Ол Президент атынан Қазақстан мен шетелдердің қоғамдық-саяси, ғылыми және мәдени-ағартушылық ұйымдарымен өзара іс-қимыл жасасуды жүзеге асырады. Адвокаттық қызметке және адвокатураға арналған арнайы бап алғаш рет Конституцияда бекітіледі. Зияткерлік меншік құқығын қорғау қамтамасыз етіледі. Азаматтардың құқықтарына кепілдік күшейтіледі.

145 ДЕПУТАТТАН ТҰРАТЫН БІР ПАЛАТАЛЫ ЖАҢА ПАРЛАМЕНТ – ҚҰРЫЛТАЙ ҚҰРУ

ПРОПОРЦИОНАЛДЫ САЙЛАУ ЖҮЙЕСІН ҚОЛДАНУ

ДЕПУТАТТАРДЫҢ ӨКІЛЕТТІК МЕРЗІМІ 5 ЖЫЛ

ҚАЗАҚСТАННЫҢ ХАЛЫҚ КЕҢЕСІН ҚҰРУ

ВИЦЕ-ПРЕЗИДЕНТ ИНСТИТУТЫН ҚҰРУ

АДВОКАТТЫҚ ҚЫЗМЕТКЕ ЖӘНЕ АДВОКАТУРАҒА АРНАЛҒАН АРНАЙЫ БАПТЫ АЛҒАШ РЕТ КОНСТИТУЦИЯДА БЕКІТУ

ЗИЯТКЕРЛІК МЕНШІК ҚҰҚЫҒЫН ҚОРҒАУ ҚАМТАМАСЫЗ ЕТІЛЕДІ

АЗАМАТТАРДЫҢ ҚҰҚЫҚТАРЫНА КЕПІЛДІК КҮШЕЙТІЛЕДІ