Жаңа пандемия қаупі бар ма? Еуропада хантавирус жұқтыру деректері көбейді

Соңғы уақытта Израиль, Франция және Швейцария елдерінде хантавирус жұқтыру деректері тіркеле бастады. Осыған байланысты қоғамда «жаңа пандемия бастала ма?» деген қауіп туындады, деп хабарлайды Egemen.kz.

Фото: Life.ru

ДДСҰ бірнеше елде хантавирус жұқтыру жағдайларының жиілеуіне байланысты ахуалды бақылауға алды. Қазіргі таңда Израиль, Франция, Швейцария және Нидерландыда қауіпті індеттің таралуы байқалып отыр. Мәселен, Израиль дәрігерлері елдегі алғашқы жағдайды ресми түрде растады. Jerusalem Post басылымының мәліметінше, науқас вирусты бірнеше ай бұрын Шығыс Еуропа аумағында жүргенде жұқтыруы мүмкін. Қазір оның жағдайы тұрақты.

Еуропа елдерінде де алаңдаушылық күшейіп отыр. Хантавирус жұқтырғандар Франция, Швейцария және Нидерландыда тіркелді. The Sun басылымының жазуынша, Франция азаматы вирус анықталған «MV Hondius» круиздік лайнерінің жолаушысымен бір рейсте ұшқан болуы ықтимал. Сонымен қатар Нидерландының KLM әуе компаниясының бортсерігі де індет жұқтырды деген күдікпен бақылауға алынды.

Конго-Қырым қызбасы: Қауіпті вирустан қалай қорғануға болады?

ДДСҰ эпидемиологы Мария Ван Керкхове қазіргі жағдайды коронавирус пандемиясымен салыстыруға болмайтынын айтты. Маманның сөзінше, хантавирус адамдар арасында оңай таралмайды және жұғуы үшін өте тығыз байланыс қажет. Ғалымдар бұл инфекцияның адамнан адамға берілу ықтималдығын зерттеп жатқанымен, мұндай жағдайлардың өте сирек кездесетінін алға тартады.

Айта кетерлігі, вирустың жасырын кезеңі алты аптаға дейін созылуы мүмкін. Сондықтан алдағы уақытта науқастар санының артуы ықтимал.

Еске сала кетейік, MV Hondius круиздік лайнерінде хантавирус індеті тарап үш адам қаза тапқан болатын. Алайда мамандар вирус тасымалдаушысы саналатын кеміргіштердің лайнер бортынан табылмағанын мәлімдеді. Қазіргі таңда бортында 150-ге жуық адамы бар кеме Кабо-Верде жағалауында тұр. Лайнер Испанияның Тенерифе аралына бет алған. Кейбір жолаушылар инфекция туралы ресми ақпарат жарияланбай тұрып кемеден түсіп кеткендіктен, бірнеше ел олардың жүрген жерін анықтауға кірісті. Тенерифеге жеткен соң дені сау жолаушыларды елдеріне қайтару жоспарланған. Испанияның 14 азаматы Мадридтегі әскери госпитальде карантинге орналастырылады.

Асылжан ҚҰРМАНҒАЛИ

Соңғы жаңалықтар

Жемқорлық үшін өлім жазасы: Қытайдың екі бірдей экс-министріне қатаң үкім шықты

Әлем • Бүгін, 14:05

Астанадан Франкфуртқа ұшқан ұшақ Ақтөбеге шұғыл қонды

Оқиға • Бүгін, 13:45

Алдағы күндері күн суытады

Ауа райы • Бүгін, 13:31

Ерлан Қарин: Заңнаманы үйлестіру елімізді өркендетудің жаңа кезеңі басталғанын айғақтайды

Ата заң • Бүгін, 13:19

Үтікпен күйдіріп, шанышқымен азаптаған: Сотта анасынан жәбір көрген балалар жауап берді

Оқиға • Бүгін, 13:02

Несиені төлеуге шамаңыз жетпесе не істеу керек?

Қоғам • Бүгін, 12:42

Мемлекет басшысы Рим Папасы XIV Леоға құттықтау жеделхатын жолдады

Президент • Бүгін, 12:28

Сайлаудағы жаңа ережелер: Бір мезгілде әрі депутат, әрі әкім болуға тыйым салынады

Парламент • Бүгін, 12:26

Қазақстан Үкіметі отставкаға кетеді

Үкімет • Бүгін, 12:17

Депутат Құрылтай комитеттері мүшелерінің санын шектеуді ұсынды

Парламент • Бүгін, 12:01

АҚШ әуежайында ұшақ қону кезінде аударылып кеткен

Оқиға • Бүгін, 11:46

Төбелес шығарған «Реал» ойыншылары командадан шеттетілуі мүмкін

Спорт • Бүгін, 11:30

Илон Маск күдікті ретінде танылды: Париж прокуратурасы X компаниясына қатысты тергеу бастады

Әлем • Бүгін, 11:22

1 қыркүйектен бастап балалардың профилактикалық тексеруі түбегейлі өзгереді

Медицина • Бүгін, 11:12

Көпірді тербетіп ойнаған: Өскемендегі оқыс оқиғадан 8 адам зардап шекті

Оқиға • Бүгін, 11:00

Барлық жаңалықтар