Жапонияда орман өрті өршіп барады

Жапонияның орталық бөлігінде орман өрті тұтанды. Яманаси аймағындағы таулы аудандарда шыққан қызыл жалын тез таралып барады. 

Жел мен құрғақ өсімдіктер өрт сөндірушілердің жұмысын қиындатып отыр. Жалынды ауыздықтауға әскери күштер жұмылдырылып, бірнеше тікұшақ пен арнайы техника қолданалып жатыр. Апат ауданынан 150 тұрғын эвакуацияланды. Опат болғандар мен зардап шеккендер туралы ақпарат жоқ.

Австралияда ондаған өрт ошағы тіркелді

Ал Австралияның Виктория штатында алапат жалын 35 мың гектардан астам аумақты шарпыған. Қазірдің өзінде 30 өрт ошағы әлі сөндірілмей тұр. Елде сынап бағанасы +40 градусқа дейін көтерілген. Табиғи апат салдарынан билік от жағуға тыйым салды. Штатта үш адам хабар-ошарсыз кеткен. Мамандар өрттің басқа аймақтарға да таралу қауіпі жоғары екенін ескертеді.