Жақсыбек Күлекеев: Ғылыми қызмет қағидалары Ата Заңмен бекітілуге тиіс

Астанада өтіп жатқан Конституциялық реформа жөніндегі комиссияның алғашқы отырысында Қолданбалы экономикалық зерттеулер орталығының ғылыми жетекшісі Жақсыбек Күлекеев еліміздегі ғылыми қызметтің Ата Заң деңгейінде нақты реттелмегенін, соның салдарынан ел дамуын қамтамасыз етудегі ғылымның рөлі мен мәртебесі төмен екенін мәлімдеді, деп хабарлайды Egemen.kz.

Фото: iqaa.kz

Оның айтуынша, еліміздің қазіргі даму кезеңіндегі басты басымдықтың бірі – заманауи цифрлық технологиялар мен жасанды интеллектіні кеңінен қолдануға негізделген білім мен инновацияға сүйенген экономиканы қалыптастыру. Бұл бағыт еліміздің бәсекеге қабілеттілігін арттырып қана қоймай, оның геоэкономикалық және геосаяси кеңістіктегі ұстанымын айқындай түседі.

«Әлемде ғылым кез келген қоғамның ең маңызды өндіргіш күшіне айналып отыр. Бұл тұрғыда білім экономикасын дамыту ғылыммен тікелей байланысты екенін аңғармау мүмкін емес. Алайда еліміздегі ғылыми қызмет салалық заңнамалармен ғана реттеліп, оның негізгі қағидаттары Конституция деңгейінде нақты бекітілмеген. Ата Заңда ғылымға қатысты арнайы нормалардың болмауы ғылыми саланы ағымдағы мемлекеттік саясатқа тәуелді етіп, елдің тұрақты дамуын қамтамасыз етудегі рөлі мен мәртебесін әлсіретіп отыр», деді ол.

Жақсыбек Күлекеев ғылым мен инновацияның конституциялық деңгейде бекітілуі ғылыми қызметті тұрақты қаржыландыруға берік құқықтық негіз қалыптастырып, зерттеу орталықтарының, университеттердің және технологиялық компаниялардың жүйелі әрі орнықты жұмыс істеуіне жол ашатынын айтты.

Оның сөзінше, мұндай нормалар көптеген дамыған мемлекеттердің Конституцияларында бар. Атап айтқанда, ғылым мен инновацияға сүйеніп, елеулі экономикалық табысқа қол жеткізген Германия, Жапония, Оңтүстік Корея сияқты елдерді мысалға келтіруге болады. Сондай-ақ Финляндия, Испания және Португалияның өз Конституцияларында ғылыми автономия мен академиялық еркіндікке құқықты нақты бекіткенін тілге тиек еткен маман ұлттың болашағы азаматтардың зияткерлік және технологиялық дамуына тікелей байланысты екенін терең түсінуден туындайтынын жеткізді.

«Ұлттық қауіпсіздік тұрғысынан алғанда, өзіміздің ғылыми және технологиялық әзірлемемізді дамыту технологиялық тәуелсіздікті нығайтып, экономиканың және оның аса маңызды инфрақұрылымының тұрақтылығын қамтамасыз етеді. Сонымен қатар, Конституцияда ғылымға қатысты нормалардың болуы мемлекеттің халықаралық беделін арттырып, оны прогресс пен инновацияға бағдарланған ел ретінде танытады. Бұл ғылыми-техникалық дамудың басымдық екенін айқын көрсетіп, инвестиция тартуға ықпал етеді. Сондай-ақ әлемдік қауымдастықтағы абыройымызды күшейтіп, әлеуметтік, экономикалық және технологиялық тұрақтылықтың берік негізін қалайды», деді ол.

Соңғы жаңалықтар

Ерлан Қарин: Құрылтай депутаттарына қойылатын қосымша талаптар конституциялық заңда айқындалуы мүмкін

Саясат • Бүгін, 16:41

Эльвира Азимова: Конституциялық реформа қоғамның барлық саласында кең талқылауға ие болды

Қоғам • Бүгін, 16:05

Мемлекеттік кеңесші: Конституциялық реформаға қатысты түпкілікті шешім жалпыхалықтық референдумда қабылданады

Қоғам • Бүгін, 16:03

Эльвира Азимова Конституциялық реформаның басты мақсаты мен міндеттерін атады

Қоғам • Бүгін, 15:45

Ерлан Қарин: Конституциялық комиссияның құрылуы тарихи оқиға

Қоғам • Бүгін, 15:33

Конституциялық реформа жөніндегі комиссияның алғашқы отырысы басталды

Қоғам • Бүгін, 15:05

Мас күйінде көлік жүргізген судья Әсел Досаева қызметінен босатылды

Оқиға • Бүгін, 14:51

Астанада қандай жаңа экспресс-бағдарлар іске қосылады?

Елорда • Бүгін, 14:34

Нұрай ісі: Жұмыстан шығарылған полицей өз нұсқасын ұсынды

Қоғам • Бүгін, 13:58

Александр Бублик Australian Open турнирінің төртінші айналымына шықты

Спорт • Бүгін, 13:23

Өткен жылы Қостанайда 1200 адам алаяқтарға алданған

Аймақтар • Бүгін, 13:00

Кеден саласында лауазымын асыра пайдаланған Қазақстан азаматы Испаниядан экстрадицияланды

Заң мен Тәртіп • Бүгін, 12:43

МӘМС жүйесіндегі олқылықтардан кейін қорға жаңа басшы тағайындалды

Тағайындау • Бүгін, 12:19

Конституциялық реформа жөніндегі комиссияның алғашқы отырысы өтеді: Тікелей эфирді қайдан көруге болады?

Ата заң • Бүгін, 12:09

Жаңаөзенде электр станциясы жаңғыртылады: Инвесторлар қандай жоба ұсынды?

Аймақтар • Бүгін, 11:47

Барлық жаңалықтар