Жаркент оқушылары театр өнеріне жақындады

Жетісу облысы Жаркент қаласындағы келешек орта мектебінің оқушылары шығармашылыққа бет бұрды, деп хабарлайды 24KZ. Бастауыш сынып балалары қуыршақ театрының кейіпкерлерін өз қолдарымен әзірлеп, қойылымды сахналауды үйренді. Оқушылар әр кейіпкердің образын сомдау арқылы театр өнеріне жақындады.

Ал 8-сынып оқушылары әдеби шығарма кейіпкерлеріне айналып, қойылым сахналады. Олар «Менің атым Қожа», «Интернатта оқып жүр», «Әпке» пьесаларын заманауи форматта көрсетуге тырысты. Оған қиял мен еркін ойлау машықтарын қолданды. «Бұл жобалар балалардың поэзияға сүйіспеншілігін арттырып, көркемсөз өнерін шыңдауға үйретеді», – дейді ұйымдастырушылар.

Мәлік Тұрғанбек, мектеп директорының әдістеме ісі жөніндегі орынбасары:

- Жалпы 40-қа жуық жоба жүзеге асырылып жатыр. Соның ішінде «BookTrailers», Жыр LAB, Арт–Театр сынды жобалар. Қуыршақ театрында сөйлеу, әңгімелеу, ойлау дағдыларын қалыптастырады. Театрға байланысты жоба бұл «BookTrailers» жобасы 8-сыныптармен ұйымдастырылып отыр. шығармаларды оқушылар жеке-жеке сомдап суреттейді. Яғни кейіпкерлерді мінезі мен эмоциясы арқылы жеткізіп, жалпы оқушыларға, көрермен қауымға деген әдеби шығармаларымызды таныту.