Жетісу облысында екі аудан орталығында сайлау өтеді

Қарашаның 23 күні Жетісу облысындағы екі аудан орталығының әкімі сайланады.

Үшарал қалалық және Бал-пық ауылдық округіне жауапты лауазым иесі атануға алты кандидат тіркелген. Үміткерлер қазір үгіт-насихат жұмыстарын жүргізіп жатыр. Дауыс беру учаскелерінде де дайындық қызды. 

Көксу ауданының Балпық ауылдық округінде 13 мыңға жуық сайлаушы бар. Екі аптадан кейін олар тұрғылықты жеріндегі сайлау учаскесінде өз таңдауын жасайды. Көпшіліктің дауысына ие болған әкім бірқатар мәселеге көңіл бөлсе,- дейді тұрғындар.  

Фарида Балабекова, Балпық би ауылының тұрғыны:

- Алдағы уақытта жаңа әкім ауылдағы паркті қайтадан жөндесе екен деп ойлаймын. Сонымен қатар спорт кешені керек. Балаларға арнап бассейн салса да болады. Ауылымызда кішігірім болса да театр болғанын қалаймыз.

Анна Ярмоленко, Балпық би ауылының тұрғыны:

- Тасжолдың бойына егілген көшеттерді, саябақтағы жасыл желекті суару, күтіп баптау жұмыстарын тұрақты түрде қадағалап, ауылымызды көркейтуге үлес қосса екен деп ойлаймын.

Алакөл ауданының Үшарал қаласында да сайлау өтеді. Қазір екі әкімшілік аумақтағы учаскелерде шақырту қағаздары толтырылып, таратылып жатыр. Жалпы биыл аймақтағы 40 ауылдық округтің әкімі тұрғындардың дауыс беру нәтижесінде анықталды.

Самат Бейсенов Жетісу облысы Аумақтық сайлау комиссиясының мүшесі:

- 40 округ бойынша 143 кадидат ұсынылды. Оның 121 өзін өзі ұсыну бойынша 20 сы саяси партиялардан бәсекелестікке түсті. 69 мыңнан астамы сайлаушылар тізіміне енгізілді. Дауыс беруге 50 мыңнан астам адам қатысып, 73 те пайыз бойынша құрады.

Жаңадан сайланған әкімдердің бірі Айдос Касиев. Ескелді ауданындағы Бақтыбай ауылының тұрғындары сенім артқан жас маман сәуір айында іске кірісті. 

Айдос Касиев, Бақтыбай ауылдық округінің әкімі:

- Сайлауалды бағдарламамда Бақтыбай ауылдық округінде инфрақұрылымды дамыту, жол жарықшамдарын орнату, ауылда жұмыссыздықты азайту болған. Қазіргі таңда скл үш көшеге күрделі жөндеу жүргізілді. Одан бөлек бес көшемізге жарықшам орнатылды. Қазіргі таңда халық сайлағаннан кейін халықтың алдында тығыз байланыс жасаймыз.

Жетісу облысында 2021 жылдан бері 169 ауылдық округтің және екі ауданның  әкімі сайланды. Келер жылы тағы 18 елді мекеннің тұрғындары мен Күреңбел өңірінің халқы дауыс беру арқылы жергілікті атқарушы билік өкілін таңдайды.

Авторлары: Шыңғыс Қалиден, Жеңіс Әбдірешов