ЖИ жаһандық энергияны судай сіміріп жатыр

Жасанды интеллект жаһандық энергияны судай сіміріп жатыр.

Онсызда қат тоққа сұраныс жыл сайын 10 пайызға артып келеді. Әлемдік энергияның 1,5%-ын қазір деректер орталығы тұтынады. Ал келер жылы мұндай орталықтардың үздіксіз жұмыс істеп тұруы үшін сағатына 1000 тераватт энергия қажет. Бұл бір жылға ғана жететін қуат күші. Халықаралық атом энергиясы агенттігінің дерегі осындай. Ал қазір көпшіліктің көзайымына айналған Чат Джипити аузын ашқан сайын энергия, одан қалды ауыз су сұрайтынын білесіз бе? Алмақтың да салмағы бар. 

Жаңа технология адамның қолын тегін ұзартып отырған жоқ. Әр қимылы қыруар энергия. Ал энергияңыз қыруар ақша. Бұлай кете берсе көп ұзамай әлем энерегетикалық дағдарысқа ұшырайды деген қауіп басым. Енді бұл тығырықтан қалай шығамыз? Қаупі қандай?

ЖИ энергияны судай сіміріп жатыр 

Жасанды интеллект келешектің жоспары емес. Қазірдің өзінде өнеркәсіптің бір саласына айналған. 20 ғасырда әлем мұнай үшін таласты. Енді электр қуаты үшін тартыспақ. Мегаваттар жаңа валюта іспетті. Сол үшін де алпауыт компаниялар энергияны қайдан тартсам деп бас қатырып әлек. Microsoft таяуда Пенсильваниядан атом электр станциясын қыруар қаржыға сатып алды. Оның 835 МВт энергиясы тек деректер орталығына кетеді. Ал Google Аризона мен Айова штаттарында өзінің жеке энергетикалық желілерін тартпақ. Тіпті Илон Масктің газ турбиналарын серверлерге тікелей тарту жоспары бар. Өйткені технология ілгерілеу үшін қуат көзінің жеткілікті болуы маңызды. Мәселен, 1 гигаватты алайық. Бұл шамамен 1 миллион тұрғын үймен пара-пар. Әрқайсысында жарық жанып тұр делік. Тоңазтқыш іске қосылған. Кір жуғыш мәшине айналып тұр. Яғни бұл электр энергиясын 24 сағат бойы тұтынатын тұтас бір мегаполис. Ал әлемде осындай қуатқа ие 7 мыңнан астам нысан бар. 

ЦИТАТА:

Amazon, Microsoft, Google және Meta сынды алпауыт компаниялар қазір энергетикалық қауіпсіздікті қамтамасыз ету үшін ядролық энергияны пайдалану тетіктерін қарастырып жатыр. Өйткені жасанды интеллект технологиясының даму қарқыны жыл сайын артып барады.

Рафаэль Мариано Гросси, Халықаралық атом энергиясы агенттігінің бас директоры:

Энергия тапшылығы өткір тұр

Деректер орталығы жердегі энергияны көп тұтынатын болғандықтан, адамзат оны жеті қат жер асты мен жеті қабат көкте сақтауға көшті. Еуропа өзінің деректер орталығын ғарышқа орналастырмақ. Өйткені Еуропада энергия қазірден тапшы. Ал Қытай биыл теңіз түбінен деректер орталығын ашты. Салмағы 1000 тоннадан асатын деректер кабиналары теңіздің тереңінде орналасқан және су оларды салқындатады. Әрбір кабина су астында 35 метр қашықтықта орналасқан және деректері бар 400-ден 500-ге дейін серверді сақтай алатын 24 серверлік сөреден тұрады. Су астындағы орталық құрылықтағымен салыстырғанда энергияны аз тұтынады. Бұл шығындарды азайтуға көмектеседі дейді, жоба жетекшілері.

Дата-орталықтарға күніне 19 млн литр су қажет 

Өйткені ірі дата-орталықтар жұмыс істеу үшін күніне 19 миллион литр су тұтынады. Тіпті Чат Джипитиден сұраған әр сұрағыңыздың өзіне, 0,5 литр су кетеді. Яғни деректер орталығына тек энергия емес, су да қажет. Деректер орталығының қауіпсіз жұмыс істеуі үшін тек қуат көзі емес, су да қажет. Күн немесе жел энергиясымен салыстырғанда энергия қазба отындарынан алынатын болса, электр энергиясын өндіру үшін пайдаланылатын су мөлшері айтарлықтай артады. Америкадағы деректер орталықтары осыдан екі жыл бұрын жылы құрылғыларды салқындату үшін 64 миллиард литр су жұмсаған. Бұл көрсеткіш алдағы 3 жылда төрт есе артуы мүмкін. Бұл ретте мамандар мұның арты су тапшылығына әкеледі алаңдайды.