ЖИ жыл құстарын зерттеудің жаңа дәуірін ашты

Жыл сайын миллиардтаған құс құрлықтар мен мұхиттарды кесіп өтіп, мыңдаған шақырымдық сапарға шығады. Бұл құбылыс табиғат көрінісі ғана емес, экожүйелердің тепе-теңдігін сақтауда шешуші рөл атқарады. Алайда климаттың өзгеруі, урбанизация және мекен ету ортасының жойылуы қоныс аударатын құстардың тіршілігіне елеулі қауіп төндіріп отыр. Бұрын ғалымдар құстардың көшуін зерттеу үшін негізінен көзбен бақылау мен белгі тағу әдістеріне сүйенетін. Бұл тәсілдер көп уақытты талап етіп, кең ауқымды мәлімет беруге мүмкіндік бермейтін. Қазір бұл салаға жасанды интеллект батыл қадаммен еніп, зерттеу әдістерін түбегейлі өзгертті, деп хабарлайды Egemen.kz.

Фото: birdnet.cornell.edu

Құстардың әр түріне тән ерекше дыбысы бар. Осы «акустикалық қолтаңба» арқылы оларды көзге көрінбей-ақ анықтауға болады. Бұл әсіресе түнде қоныс аударатын құстарды зерттеу үшін өте маңызды. Дыбыстық жазбаларды талдауда жасанды интеллектінің қолданылуы мыңдаған сағаттық аудионы жылдам өңдеп, құс түрлерін жоғары дәлдікпен айқындауға жол ашты. АҚШ-тың Корнелл орнитология зертханасы мен Нью-Йорк университеті бірлесіп дайындаған AI негізіндегі BirdVoxDetect және BirdNET секілді жүйелер жыл құстарын зерттеудің жаңа құралдарына айналды. BirdVoxDetect түнгі ұшу кезіндегі құс үндерін шулы ортада да анықтай алады. Ал BirdNET смартфон арқылы құстардың дыбысын жазып, түрін бірден тануға мүмкіндік береді. 2024 жылғы Global Big Day шарасында бұл қосымша 900-ден астам құс түрін нақты уақыт режимінде анықтауға көмектесті.

TikTok жұлдызы Хаби Лейм өзінің ЖИ-сыңарын 975 миллион долларға сатты

Жасанды интеллект тек түрді танумен шектелмей, көшу бағыттарын, аялдау нүктелерін және құстардың саны мен биомассасын анықтауға мүмкіндік беріп отыр. Мұндай деректер табиғатты қорғау ісінде аса құнды. Олар сирек кездесетін мекендерді сақтауға, қорғалатын аумақтарды тиімді жоспарлауға және экологиялық саясатты ғылыми негіздеуге жағдай жасайды.

Жоғары білімге ЖИ-ді енгізу нені өзгертеді?

Мамандардың айтуынша, жасанды интеллект құстарды зерттеудің болашағын айқындайды. Бұл технология табиғаттың нәзік тепе-теңдігін сақтауға бағытталған ғылыми ізденістерге жаңа серпін беріп, адам мен қоршаған орта арасындағы жауапкершілікті терең сезінуге жетелейді.

Ең ірі ЖИ-кластер

Соңғы жаңалықтар

Серік Сәпиев министрдің штаттан тыс кеңесшісі болып тағайындалды

Тағайындау • Бүгін, 12:58

Заңғар Нұрланұлы жасөспірімдер рейтингінде үздік ондыққа кірді

Спорт • Бүгін, 12:43

Қазақстан мен Вьетнам өзара тауар айналымын екі есе арттыруға ниетті

Экономика • Бүгін, 12:33

Астанада TikTok желісіндегі жалған «емшіге» сот үкімі шықты

Қоғам • Бүгін, 12:23

Мұнай қоры бойынша ТОП-15 ел: Қазақстан қатарда бар ма?

Қазақстан • Бүгін, 12:19

Трамп: Үндістан Ресей мұнайынан бас тартты

Әлем • Бүгін, 12:09

FlyArystan тегін қол жүгінің салмағын арттырады

Қоғам • Бүгін, 11:57

Жемқорлықпен күрес: Бюджетке 100 млн теңгеден астам қаржы қайтарылды

Заң мен Тәртіп • Бүгін, 11:40

«Қорғас» кеден бекеті екі аптаға жабылады

Қоғам • Бүгін, 11:28

Алматыда гимнастикадан ел чемпиондары анықталды

Спорт • Бүгін, 11:17

Серік Сәпиев пен орынбасары қызметінен кетті

Қоғам • Бүгін, 11:07

Голан жоталарында Қазақстанның қанша бітімгері қызмет етеді?

Әскер • Бүгін, 10:57

Олимпиада-2026: Ұлттық банк жаңа коллекциялық монеталарды шығарады

Қоғам • Бүгін, 10:38

ЖИ жыл құстарын зерттеудің жаңа дәуірін ашты

Технология • Бүгін, 10:28

Сенсациялық нәтиже: Бибісара Асаубаева супертурнирде үздік бестікке енді

Спорт • Бүгін, 10:17

Барлық жаңалықтар