ЖІӨ нің 1% ы: Қорғаныс министрлігінің артқан шығындары қайда жұмсалады

Журналистер қаражаттың нақты қандай бағыттарға жұмсалатынын сұрады.

"Қаражат қару-жарақты жаңарту және жаңа түрлерін сатып алуға бағытталады. Қазіргі уақытта жаңа қару түрлері – атап айтқанда ұшқышсыз ұшу аппараттары – өндірілу үстінде. Сонымен қатар, қаражат авиациялық техника мен әуе қорғанысындағы әскери техникасын жаңартуға жұмсалады", – деді Мустабеков.

Орынбасар сатып алынатын техниканың санын әскери құпияға байланысты айтпады.

Еске сала кетейік, бұған дейін Мәжіліс депутаты Айгүл Құспан Қазақстан армиясының кадрлық әлеуеті әлсірегенін атап өткен еді.