10 жылда Еуроодақта үй 50% қымбаттады

Кейінгі 10 жылда ЕуроОдақ елдерінде үй 50 пайыз қымбаттады. Ұйым жариялаған баяндамаға қарағанда, баспана нарығы бұрын-соңды болмаған қарқынмен аспандап барады. Өсім әсіресе Венгрия, Литва, Чехия, Португалия, Эстония, Болгария, Испания және Польшада қатты байқалады. Кей елдерде тіпті 200 пайыздан асады. Бұған қарт құрлыққа туристердің көптеп ағылуы себеп. Еуропада үйді жалға беру табысты кәсіпке айналған. «Бұл бір есептен үй нарығында сұранысты арттырып, бағаның өсуіне әкелді», - дейді сарапшылар.