17 млн еуро жалақы мен жер телімі: Салах Трабзонспордан мол пайда көрді

Мысырлық жұлдыз Мұхаммед Салахтың «Трабзонспорға» ауысуы клуб үшін тек спорттық емес, қаржылық тұрғыдан да тиімді болды. Ресми мәліметке сәйкес, Салах екі жылдық келісімшартқа қол қойып, жылына 17 миллион еуро жалақы алады. Сонымен қатар ол өз есімі жазылған клубтық атрибутика сатылымының 20 пайызын иеленеді және нәтижеге байланысты бонустар қарастырылған.

Трансфер жарияланғаннан кейін клубтың жанкүйерлік базасы күрт артты. Шетелдік БАҚ пен әлеуметтік желілерде «Трабзонспорға» деген қызығушылық еселеп өскені айтылуда. Жанкүйерлер жаппай клубтың жейделеріне тапсырыс беріп, «Трабзонспор» әлемдік футбол жаңалықтарының басты тақырыптарының біріне айналды. Reddit-тегі жанкүйерлер де бұл трансфердің клубтың танымалдығын халықаралық деңгейде арттырғанын атап өтті.

Бұдан бөлек, Түркияның Трабзон қаласының мэрі Салахқа ерекше сый жасап, болашақта қоныстануы үшін жер телімін тарту етті. Ал жергілікті билік клубқа қолдау ретінде мыңдаған ресми жейде сатып алу бастамасын көтерді. Сарапшылардың пікірінше, Салахтың келуі «Трабзонспордың» маркетингтік әлеуетін айтарлықтай күшейтіп, клуб брендіне халықаралық деңгейде жаңа серпін берді.